Зошто од сите непознаници кои ги имаме од бугарскиот јазик, ние сме решиле да се распрашаме баш за овој збор, ќе ви стане јасно веднаш по првите неколку отпеани стихови. Джорджано, лударо една, ни ги измести чеканот и наковалната!

Откако непотребно посакавме да се апдејтираме и да чуеме што тоа овој народ слуша на Јутјуб (Раста и њему слични), природно ни се јави пoтреба од детоксикација, со нешто старо и проверено. Во однос на моменталните турбо фолк ветришта, ова е невино ко Хајди.

Човекот е осуден на три години затвор заради одгледување на неколку стебленца канабис. А единствен виновник е канаринецот. Не разбираш ти тоа, друже судија.

Никола Степан е хрватска варијанта на наш Стојанче само што наместо на политика, овој има удрено на музика. Постојат индиции дека дел од камењата со кои тој се справува, всушност се кршат под неумоливиот фалш. Песната се вика „Карате тренирам“ а спотот е акција до акција.

Во телевизиски квиз треба да се погоди наслов на филм од браќата Коен. Се работи за филмот No Country for Old Men. Дечкото го греши името на филмот на таков начин што веднаш ти станува јасно во која земја се случува сцената.

Историјата на Босна најчесто е пишувана во Загреб и Белград (ви текнуе?). Овој проект е обид за нешто поинакво. Филм за средновековна Босна, која не ферма како на тоа гледаат Загреб и Белград, а богами и факинг Париз.

Иако јавно е поставено е пред повеќе од десет години, од тогаш до ден - денес ова прашање нема добиено одговор. Своевремено се надевавме во развојот на вештачката интелигенција но полека губиме надеж... Има ли јунак кој ќе го дешифрира овој наш преубав камен од Розета? 

„Тркало на среќата“ е генијален балкaнски изум кој комплетно ги објективизира одлуките на еден маж, го ослободува од одговорност за постапките и му дава имунитет против тешките обвинувања дека прави што сака.

Уште од Машинка Лукиќ и Аполо 9, народниот а новокомпониран дух на овие простори не се задоволувал со идеализирање на руралното минато и традиционалните вредности и форми на живеење, туку повремено знаел да провири и во технолошки напредната иднина, честопати предупредувајќи на можни дистопични сценарија кои ќе афектираат битни аспекти од социјалната, економската па и сексуалната сфера. Токму таков, дами и господа, е овој футуристички увид на „Бишке и клонови.“

Та не сме саде ние, та не сме саде тука.

Каков Холивуд, каков Боливуд, каков CGI и XXL! Бугари (актјори ли, каскадјори ли) во живо ја реконструирааат историската битка кај Сливница (ноември, 1885 година). Спојлер: Бугарите тепаат, Србите биваат потепани и заробени. Предупредување: следуваат драматични акциони сцени кои се менуваат од секунда во секунда.

Бомбардираа со осиромашен ураниум. И после некое време, нормално, ќе се појави некоја како Сузи. Предупредување: од Сузи можно е да се добие рак на уши. Озбилно.