Ајде да го премотаме филмот назад и да видиме од каква стартна позиција тргна фамозната Теа Таировиќ, денес една од најбомбастичните пеачки во Србија и регионот. Не сме виделе толку паметно и корисно потрошени пари на пластични операции. Теа не е оперирана, Теа е рециклирана.  

Претседателот Вучиќ и премиерот Вучевиќ малку играат „лош полицаец - добар полицаец“. Премиерот се закани дека просветните работници кои во второ полугодие ќе продолжат со бојкотот и нема да држат редовна настава, ќе добијат откази. Ден подоцна, Вучиќ ќе рече дека не е тоа добар пристап, дека со нив треба да се разговара.... Додека трае тој игроказ, веќе се замислува најавената иднина.

Тоа е насловот на оваа врањанска верзија на бајката за Аладин, испеана на тој шармантен јужносрбијански дијалект кој ни е близок бидејќи е имун на падежи. Аладин на својата драга ѝ нуди да излезе од дома и со летечкиот килим заедно да го видат светот и неговите чудесии. А чудесии има, особено во стиховите на песната и опишаниот „подобар живот“.

Во Белград отвориле салон за чешкање, наречен „Чешкалница“. На почетокот клиентите баш и не го разбирале концептот, ама после го разбрале -  те чешкаат. За да звучи појако, чешкањето го викаат терапија а таа да ти помагала за анксиозност, депресија, го подобрувала спиењето. За да не фантазира некој премногу, нека се сети на стихот на Брега: Такви сми ми Срби, затоа нас и сврби.

Сега ќе видите колку Рамбо Амадеус беше во право кога викаше дека разговорот секогаш се води на нивото на поглупиот. Разговараат физичарот и научен новинар Слободан Бубњевиќ и Марко Булат, фолк пеач кој има пеено - ехееј! - на сплавот Лукас! На тема дали Земјата е тркалезна или рамна. Кога некој е сељак, сељак е уздуж и и попреку.

Порано по брзината со која човек ја завршувал таа работа, луѓе оценувале дал е вреден или не. Денес таму се скрола, се пуши... српскиов сељак се чуди дали e отидени на софра или на серење. Па замислува како би било тоа кај него, во нужникот позади куќа (според старото правило, не можеш и да јадеш и да сереш под ист покрив). Пет цигари таму да испушиш, во несвест ќе паднеш. Пишурија.

Точно е дека актуелните протести и блокади стануваат сè помасовни (бахат каков што е, Вучиќ на почетокот ги исмешеваше дека нему и коктелите му се помасовни) но имал тој и помасовни протести, па умеел да ги издише (со онаква разрока опозиција, јака ствар). Но, ако вака почнува да зборува една Јована Јеремиќ, која непогрешливо го осеќа пулсот на народот а досега беше беспоговорен мегафон на владејачките наративи, тогаш можеби работата е врвка.