Занимливо е како ги започнале своите музички кариери еден Леонард Коен, Деби Хари, или, да речеме, Сузан Бојл. Меѓутоа, ниедна таква приказна не ѝ е до колена на онаа за босанскиот народњак Шериф Коњевиќ. Да чуете како одел како получовек - полуживотно кога се спуштил во Сараево, како ги развил своите гласни жици и што му се случило на човек кому Шериф еднаш му платил кафе. Нараторот, генијален мајтапџија!

Вредна професорка држи вредни лекции и кога е распуст. Вели дека проблемот настанал кога тие биле сведени на просветни работници, по што сè повеќе се заборава дека тие треба да бидат просветители. Оние кои ќе негуваат и бодрат критичко мислење, оние кои ќе бидат добри не затоа што ставаат петки туку затоа што знаат убаво да објаснат зошто ставиле двојка.   

Ни Макарска не е поштедена од вонредни непогоди среде сезона. Со кола и звучници („народе, што купувам...“) се најавува настап на озлогласениот Десингерица, оној што ги мава со патика, им крши јајца на глава, им ренда сирење... Ама барем поштено и навреме повикуваат на евакуација. На оној нормалниот дел. Безумните копиљаци нека завршат со сирење на глава, ако веќе така сакаат да си ја памтат младоста. 

Надреална приказна од братска и преди сè европејска Бугарија. Во Ботунец (16 км. од центарот на Софија), во импривизирано мини базенче, еден лик чува крокодил. Да, крокодил, се вика Кроко. - Ама што ако Кроко излезе од легенот? - логично прашува љубопитната журналистка. - Сите ќе ги изеде - логично одговара ликот. Други, пак, имаат поинакво мислење - сè е до тоа како е воспитан Кроко. Чудесии!

Гроб на Кипар:

Флаер во грчка црква:

Еден глупсон од жанрот „travel blogger“ со 600.000 Инстаграм следбеници, деновиве предизвика мини балканска војна на мрежите откако дојде во Пула, нарача кебапи и ги прогласи за „хрватско национално јадење“. Можете да замислите каков правдољубив гнев се разгоре, од Велес преку Лесковац до Бања Лука. За црепот (Том Гронд од Холандија), кебапите се хрватска верзија на донер. Андрија реши малку да се спрда со таа каста.

Порано ги маваше тоа безпамет копиљаците кои му одат на настан со патика по глава. Сега е свртен кон кулинарство. Им става кори на глава, им крши јајца на глава и на крај им ренда кашкавал на глава. A овие тртат глава и отвораат уста. Совет: Престанете да се секирате каква планета им оставаме на младите, почнете да се секирате кому ја оставаме оваа планета.