Доктор Сафет Кудузовиќ се смета за добар познавач на Исламот а популарноста ја стекнува со предавања на кои ги објаснува законите и обичаите до кои верниците треба да се придржуваат. Овојпат одговара на дилемата дали може да се оди на море. Кудузовиќ дава полна слобода за тоа и притоа потсетува на само два услова: а) да се оди само во јануари или февруари и б) да се затворат очи. Пазете, март е веќе критичен! 

Неделен ручек на балканска фамилија. Таткото задрт и конзевативен, по маица синдикалка. Синот напреден и асексуалец, згора на тоа твитерџија и тоа влијателен. Меѓу нив Ковиљка. Недоразбирањата меѓу двата света завршуваат со семејна љубов на балкански начин: "Eве ти пари, јебо те хаштаг".

Локални избори во Србија, кандидат за претседател на некоја општина сред никаде, еуфорично уверен во својата победа ги поздравува пристуните со веројатно најпогрешната метафора што човек може да ја смисли. Објаснувањето само го дополнува впечатокот.

Линкот ни го прати нашиот пријател Коста Бургов и тоа само по себе е доволно, но, да контекстуализираме уште малку. Пред некој ден со ќеиф пишувавме статија за поранешниот претседател на Уругвај (види: Ако веќе зборуваме за лидери....) како екстензија на извонредното видео во кое мудриот човек зборува за вредностите, парите, времето, имањето, бивањето...

Тоа е главната порака на оваа девет минутна, крајно корисна лекција од Дамир Никшиќ, дечкото кој го памтите кога со свежи очи и здрав дух ни го откриваше новото Скопје пресоблечено во 19 век. На оваа тема е уште поубедлив.

Не е мала работа во твојот мал балкански град да доаѓа престолонаследникот на британската монархија! Ќе му одиш на дочек, нормално! Само, глупо е некако да му одиш со празни раце.

Шефот на европските либерали и екс премиер на Белгија, Ги Верхофштад, на својот Фејсбук профил постира видео од потегот на кинескиот уметник кој довлечка пијано за бегалците во Идомени. Притоа, паднаа во втор план сите можни аспекти на оваа приказна (живот, бегалци, војна, девојката е труп за свирење) откако грчките напалени будали видоа дека границата ја нарекол грчко-македонска.