Евергринот на Балашевиќ беше некаков генерациски завет на оние родени во пеесет и некоја. Потоа се менуваше само деценијата (шеесетта, седумдесетта), но текстот остануваше ист. Толку од тоа. Родените во 90 и некоја имаат сосема, сосема поинаква порака. И таа делува многу искрено, автентично и моќно. Изведува едно 26 годишно момче од Сомбор. Старки, обратете внимание!

Сосе министер и 4 илјадна публика, во Јагодина, бастионот на живописниот Палма (хинт: Бетовен), во употреба е пуштена нова - гринфилд - жирафа. Петар Луковиќ (Џубокс, Ферал, Време, Е-новине), накурчен каков што го дал Господ, не може да се изначуди што ќе се случи ако дојде слон или паун. Крешендото е сепак кај Палма кој на крајот вика: "Мислам дека денес ставаме точка на жирафата". Србија, оригинал. 

Да почнеш како втор пик во НБА (избран пред Кармело Ентони и Двејн Вејд), а да завршиш полугол, со пиво меѓу заби и со Баја мали Книнџа кој ти пее за Косово и Путин, една таква кариера може да има само едно објаснување: да пиеш за тројца луѓе. А ќе видите, Дарко Миличиќ го може тоа.

Ако школото не служи да го наполни детето со куп информации, туку да го развие неговото мислење и снаоѓањето во нови ситуации со веќе стекнати знаења, тогаш ова девојче е многу понапред отколку што мисли дека е. 

Ние имаме Итар Пејовштина, тие имаат Виктор Орбановштина. Со тоа што во споредба со нивниот, нашиот итрец беше господин човек. Еве што направиле: бодликавата ограда за бегалци не ја направиле на самата граница со Србија туку пар метра во унгарска територија. За кога ќе ги протеруваат, да кажат дека не ги протеруваат. А ние на времето мислевме дека со Маџар телеком ќе се надмудриме. 

Предизборен постер на денот: босански, на тема купување гласови за избори и споредба на цените, изразени во конвертибилни марки.

Малку чудно склопен но занимлив странски документарец за овие простори. За социјалистичките споменици од времето на Тито (Тјентиште, Кадињача...) и луѓето кои денес живеат во нивна близина. При што ти останува дилема кој повеќе е запуштен: спомениците или тие луѓе.

Таман ќе си најдеме некоја пролазна политичка симпатија а тој велелепно ќе пропадне. Стигнаа резултатите на Константин од Теслиќ. Балканот ќе си тера по старо.

Се пишува за ова на Балканов деновиве, за албанскиот милионер кој си изградил помпезно грда реплика на Белата куќа. Куку ноне, па овој со наш Роџер да се фатат, може чуда да направат. Сакате да ѕирнете? И да не разбирате албански (на кој се темели видео презентацијата), ќе разберете, уметноста си има универзален јазик.

Кој рече дека веќе не постои ангажирана музика? Еве една жестока анти-химна на популарните тв форми - реалните шоуа. Новиот Џони Штулиќ се вика Зока Босанац. Со тоа што, ќе видите и сами, какво време, таков Штулиќ.