Српскиот претседател деновиве имаше уште едно непријатно интервју на РТС. Тој човек не трпи непријатни прашања, не е навикнат некој да го прекинува со потпрашања (пошто Јована Јеремиќ го остава да зборува колку што сака), знае дека е на интервју а сепак гледа во камера и инсистира неговиот збор да е последен. Дури и кога новинарката ја одјави емисијата, тој имаше што да додаде.

Средбите на глобалната ВИ и локалните ликови допрва ќе раѓаат драгоцени ситуации. Човек од село во околина на Врање треба да патува со авион ама му е фуфка. Му објасниле дека постои вештачка интелигенција која може да му одговори на сите дилеми кои ги има и дека со неа може да разговара како со човек. А врањанецот воспитан човек па првото прашање до ЧетГПТ му е: Нели спиеш?

Супер реклама, не заради приказната, цаката во неа или реализацијата туку по тоа што максимално се искористени ВКУСОВИТЕ на локалниот пазар. Започнува со еден новитет во лесковачката скара кој се вика шаржер (кобасици во мелено месо). Се префрламе на плескавица полнета со дуван чварки а потоа видеото неочекувано менува жанр, како во „From Dusk Till Dаwn“ 

Од бугарските матури се имавме шокирано и ние и нашата публика уште во првата година од нашиот сајт, во далечната 2012 година, кога ги објавивме, добивме 15.000 реакции и тоа допре и до Бугарија, дека Македонија се мајтапи со нивните абитуриентки. Бидејќи чувствуваме информативна одговорност кон оваа урнебесна кич-традиција, погледнете еден детал од денешната опрема на бугарските матури.

Макс Амини, американски стенд-ап комичар со иранско потекло, пробува на публиката да ѝ ја долови „тежината“ на оној „орелски“ поздрав кој Албанците го прават со рацете (памтете Ахмети кога во вежбаше на стари години?), и како тоа го доживуваат Србите. Ко за беља, од публика се јавува Србинка, за да го поправи Амини, тоест да го потврди неговото мислење дека сето тоа гневење е непотребно. 

Не ми требаат политичари на џума, вели мудриот човек, ако доаѓаат за мене, подобро да не доаѓаат. Џума, постење... тоа се обреди за благодарност кон Бога. А верата е нешто друго, верата е како се однесува човекот. Што ако едниот комшија ми се вика Мухамед а другиот Марко, ако Мухамед ме малтретира и ми фрла ѓубре во двор, за разлика од Марко кој е прекрасен човек. Кој ми е поблизок? 

Додека науката и светот мозгааат како да го спречат најавеното подигнување на нивото на морињата и океаните, одговорот и виновниците сето ова време ни биле пред очи. Криви се децата кои фрлаат камчиња во море, со што проблемот само се влошува а со текот на години - се таложи. Решението е јасно, наместо да се фрлаат, камчиња треба да се вадат од водата. После Архимед, ваква генијалност не е видена.