10 минутно уживање со лудаците од Букс оф књиге. Министер дојден кај владика по совети за буџет, за реконструкција на владата, за тоа дали горе е Бог или Мило. Меѓу другото, ќе научите како се оди кај владика. Со кобасици. Ама не за него, туку за себе. За да може да го почастите. Генијални заебанции.

Ја знаете онаа евергрин идеја дека Македонија и Бугарија железнички ќе се поврзуваат. Нема две земји кои се покомпатибилни за еден ваков проект. Нашине возови не знаеме кај се, а не па кога ќе стигнат. А нивните? Повелете на пар минути во возот Варна- Софија.

Ако ве гаѓа таа емоција кога Раде Шербеџија ги рецитира славните стихови на Арсен Дедиќ, тогаш ќе ве гаѓа и ова. До некое време. После работите стануваат поконкретни и поопипливи од романтизираното сеќавање на девојката од младоста. Ми се плаче, ми се лае.

Краткиот одговор е дека и короната сака на чисто. Подолгиот одговор го елаборира врвниот босански глумец Јосип Пејаковиќ. А Вистиномер, наместо сега да ни се фатат за насловот па да даваат примери на политичари кои сепак настрадале од ковид, нека засукат ракави и нека го проверат она тврдењето со говното.

Човек од партијата на Вучиќ држи прес - конференција. Додека зборува, шара со погледот лево и десно, за сите присутни да имаат чувство дека ним им се обраќа. Прашува и дали има прашања за крај. Нема. Тој станува, камерманот одзумира.  

Грк гледа видео од некој игнорант западњак кој рецензира таратор, тоест ѕаѕики. И црепов, ѕаѕикито го изговара - пазете - ЗАИТИ ЗАЈКА! Грков одма удри на мајки - шајки, нормално. 

На стандарден играч од Кафе Зале (Авдуљ) му даваат да дува дрегер, за да видат до каде е. Напнува тој поштено, ко некаков Сачмо од Крњача (Палилула, Белград), го остава апаратот, а тој покажува НУЛА. Таман го обвинија Авдиља дека не знае да дува, апаратчето се произнесе.

Каков шармантен лик е овој босански офанзивен играч. Лагано ја навлече новинарката во офсајд ситуација за да помисли дека е само саркастичен, за потоа босански да забие со: „Кака је та вакцина, бона, 17 комада, јеси л' ти нормална?“ (ако по дифолт мразите анти-ваксери и ги сметате за зло, не можеме да ви помогнеме).