Каков трол е овој. Шешељ во парламент од мобилен им пушта српска песна за Трамп. Ок, не се шокираме ние така лесно од политичките групирања на Балканот.

- Колку време чекате да се асфалтира улицата?
- Сè на сè, 300 години.

Сакајќи на хумористичен начин да си играат со стереотипите за бившите ју народи, во овој очаен обид за римејк на Топ листа надреалиста, се потврдува барем еден стереотип: дека Словенец и хумор не одат заедно.

Се разбира дека е нормално младите да се понапредни и на возрасните да им замераат за некои лоши навики кои си ги тегнат со нив. Особено ако се работи за здравје, здрав живот, цигари итн. Ама па и на вториве не им се исушил мозокот од цигарите.

Евергринот на Балашевиќ беше некаков генерациски завет на оние родени во пеесет и некоја. Потоа се менуваше само деценијата (шеесетта, седумдесетта), но текстот остануваше ист. Толку од тоа. Родените во 90 и некоја имаат сосема, сосема поинаква порака. И таа делува многу искрено, автентично и моќно. Изведува едно 26 годишно момче од Сомбор. Старки, обратете внимание!

Сосе министер и 4 илјадна публика, во Јагодина, бастионот на живописниот Палма (хинт: Бетовен), во употреба е пуштена нова - гринфилд - жирафа. Петар Луковиќ (Џубокс, Ферал, Време, Е-новине), накурчен каков што го дал Господ, не може да се изначуди што ќе се случи ако дојде слон или паун. Крешендото е сепак кај Палма кој на крајот вика: "Мислам дека денес ставаме точка на жирафата". Србија, оригинал. 

Да почнеш како втор пик во НБА (избран пред Кармело Ентони и Двејн Вејд), а да завршиш полугол, со пиво меѓу заби и со Баја мали Книнџа кој ти пее за Косово и Путин, една таква кариера може да има само едно објаснување: да пиеш за тројца луѓе. А ќе видите, Дарко Миличиќ го може тоа.

Ако школото не служи да го наполни детето со куп информации, туку да го развие неговото мислење и снаоѓањето во нови ситуации со веќе стекнати знаења, тогаш ова девојче е многу понапред отколку што мисли дека е. 

Ние имаме Итар Пејовштина, тие имаат Виктор Орбановштина. Со тоа што во споредба со нивниот, нашиот итрец беше господин човек. Еве што направиле: бодликавата ограда за бегалци не ја направиле на самата граница со Србија туку пар метра во унгарска територија. За кога ќе ги протеруваат, да кажат дека не ги протеруваат. А ние на времето мислевме дека со Маџар телеком ќе се надмудриме.