Како би изгледала ситуација кога Македонец би сретнал Зимбабвежани? Пробајте да ни поверувате во оваа приказна: Наш човек по потекло од Битола а по професија банкар е викнат на свадба во Зимбабве, да биде девер на другар му. И тој оди во Зимбабве, зема неколку сватови и почнува да ги учи оро. Орото станува сè поголемо а сватовите го навежбуваат дури и чучнувањето и покличот Опа! Нели е светов прекрасен? Бидејќи знаевме дека нема да ни верувате, за секој случај набавивме и видео. Ајде комити!

Да си се вратиме ние на нашите гајлиња. Под присмотра на античка гарда (во автентичен t-shirt и метла на глава) и едно чудо посетители, одржана е промоција на книгата "Вистината за вечноста" (ни помалку ни повеќе!) на легендарниот Ниче Димовски Македон. Дали сте подготвени да дознаете за бамбусот кој мирува 5 години, за траекторијата на саркофагот на Александар, за тоа како ќе ги згазиме Грците со љубов? Верувајте не сте. 12 минути подоцна ќе бидете комплетно снеможени.

И Македонија има врвни спин доктори, сè уште неискористени во партиски и медиумски цели. Седат на улица и си го вежбаат талентот на наивни новинари. Прашањето е од оние "аман више" прашања (Дали Македонија доволно го чествува Тоше?!) а одговорот на спин докторот слушнете го сами:

Некој што се вика Рубинчо Благадуша, или решил да се вика Рубинчо Благадуша е просто роден за големи дела. Нашиов од крајно непознати причини си додал и трето име Езел (вади тоа, Рубинчо!) и спотот кој ќе го видите е драма.