Да се направи топ листа на автоголови од најдалеку и веднаш да се прескокне првата позиција. Резервирана е за Алекс Стојаковиќ од Локомотива Загреб. Погледнете што направи царот на мечот против Горица.

Каква генерација фудбалери беше таа на Реал Мадрид. Трепет ширум Европа. Ги викаа галактикоси, беа права казнена експедиција каде и да одеа. Бекам раскажува во документарец на Нетфликс за тоа како му било на теренот со Роналдо, Фиго, Зидан и други светски ѕвезди....

Коментаторот на Спорклуб вели вака: „Ако на ваков допир фудбалерите паѓаат, тогаш не би имале повеќе фудбал, туку скокови во вода. Легна на земја, како некој да го стрелал, како со чекич да го удрил“. Ние немаме што да додадеме, освен дека се работи за мечот Елферсберг - Хановер, германска втора лига.

Ги фаќа во ложа Роберто Карлос и Роналдо и на бранот на реакција од стадионот, лови еден лик ишишан како Феноменот во 2002-ра година на Светското во Јужна Кореја и Јапонија.

На дуелот меѓу Атлетико Насионал и Америка де Кали во прв натпревар полуфиналето на Купот на Колумбија, домаќините победиле 4-1. Третиот гол бил дело на 20-годишниот напаѓач Хуан Ренгифо директно од корнер.

На дуелот меѓу Славен Белупо и Хајдук од 12. коло во хрватската прва лига кој заврши 0:0 играа и поранешните македонски репрезентативци Илија Несторовски и Леонард Жута. Тие беа сведоци и на еден необичен настан. Нивниот соиграч Андрија Филиповиќ влезе во финишот во игра од клупата и за само 74 секунди доби директен црвен картон за еден груб старт.

Интер ја доби Верона 1:2 со автогол во 93-та минута. Мечот го отворија гостите во 16-та минута, со нешто многу јако извежбано и подготвено на тренинг.

Видовме 300 разни варијанти на изведување слободен удар. Дел успешни, а некои за потсмев. Депортиво Ла Коруња тоа го изведе просто и едноставно, а голманот немаше шанси да го спречи ова голчиште.

Во дербито на Јужна Африка, Чемран Дансин постигна гол вреден кандидатура „Ференц Пушкаш“. На дуелот меѓу Мамелоди Сандаунс и Орландо Пајретс, гостинскиот фудбалер Дансин постигна прекрасен гол во 35-та минута за израмнување 1-1. Така и заврши натпреварот.

Бетис ја совлада Мајорка со 3:0 во 11. коло од Ла Лига и е петти на табела. Играч на мечот Антони кој распали на два пати и за влакно не запиша хет-трик.

Милан ја совлада Рома со 1-0 во големото дерби на италијанска Серија А и остана трет на табела со ист број бодови (21) колку што има и Интер на второ место. Наполи е прв со 22 бода. Страхиња Павловиќ во 39' минута го совлада својот репрезентативен колега и другар Миле Свилар а Мајк Мењан фати пенал за три златни бода на Милан кој игра како препороден со Масимилијано Алегри.

Јелгава против Мета, прва летонска лига. На слободен удар се мести извесен Филип Хашек. Сите чекаат да нафрли, ама тој да ти имал други планови. Коментаторот занеме за момент.

Во фантастично дерби на Баскија на кое паднаа дури 5 гола, на крајот победи Реал Сосиедад кој на Атлетик Билбао му даде трет гол во 90+2' минута од судиско продолжение. Стрелец Јон Горочаеги. На трибините пак имаше по некој навивач на гостинскиот состав кој секако никој не го закачаше.

Во Премиер лигата од коло во коло паѓаат фантастични погодоци па изборот за најубав гол на месецот е сè поинтересен. Сега за октомври наградата ја добива Емилијано Буендиа за голот на Астон Вила на гости кај Тотенхем (1:2). А и кој било друг да го добиеше признанието ќе беше оправдано.

Големото дерби на Истанбул понуди се: 5 гола, црвен картон и на крај триумф на Фенербахче 2-3 на гости кај Бешикташ. Јуксек, Марко Асенсио и Џон Дуран беа стрелци за Фенербахче а Шпанецот кој играше во Реал Мадрид и ПСЖ, при еден корнер беше гаѓан со се и сешто.

Сантос одигра 1:1 против Форталеза во бразилскиот шампионат. Нејмар имаше одлична идеја, која му успеа, ама до пола.

Ова е сигурно промашување најголемо не на сезоната туку на последните неколку сезони. Вакво нешто не сме сретнале досега никаде и никогаш.

Нешвил и Интер Мајами ќе играат мајсторка во доигрувањето во МЛС лигата откако реваншот синоќа заврши со ист резултат како првиот натпревар 2-1. Домаќините имаа два гола предност после првиот дел а Лионел Меси постигна прекрасен погодок во 90-та минута за конечни 2-1 и закажа мајсторка.

Големата резултатска агонија на Ливерпул која траеше 40-ина дена конечно заврши. На „Енфилд Роуд“ црвените славеа 2-0 против Астон Вила со головите на Мохамед Салах (прв гол на домашен терен после 15-ти август и мечот со Борнмут) во 45+1' минута и Рајан Гравеберх во 58' минута.

Легендарниот шпански фудбалер има 38 години. По неверојатните настапи во Валенсија (129 меча/33 гола), Челси (82/18), Манчестер Јунајтед (196/34), Галатасарај (16/3), отиде во Јапонија, па во Австралија. По Вестерн Сиднеј Вондеререс, сега е во Мелбурн. Веќе има гол на 3 натпревари.

Некако кратко траеа спомените од триото во ПСЖ, но и кратко играа заедно. Ама некои работи ќе останат во архивите, како на пример оваа акција. Меси - Нејмар - Мбапе. Колку моќно звучи ова.

Само неколку дена откако првиот човек на турскиот фудбал излезе со неверојатни бројки на тема кладење, почнаа да летаат глави.

„Кралската лига“ или Kings League е турнир во мал фудбал за 7 на 7. Основан е во Шпанија во 2022-ра година од некогашниот капитен на Барселона Жерар Пике. Во 2025-та година овој турнир се прошири и во Италија, Бразил, Франција и Германија а се планира и за во САД. Синоќа за тимот „Черепи“ дебитирал и легендарниот и еден од најтрофејните фудбалери на сите времиња, Бразилецот Марсело. Прв меч, 1 гол и 1 асистенција за МВП награда најдобар играч.

За пет месеци, Трент Александер Арнолд одлично го скоцкал шпанскиот јазик. На некои им се потребни години да научат туѓ јазик, а некои не ни учат. Ова е и дел од професионализмот на еден фудбалер. Со време почнал, за да биде спремен.