НаТочак, една од најсимпатичните градски иницијативи на која, за среќа, сè уште никој не ѝ залепил приглупа вмро-сдс етикета, со 10 минутно видео покажуваат како вистински изгледа да се вози велосипед по "скопските патеки", поточно на бул. Илинден, Св. Климент Охридски и Митрополит Теодосиј Гологанов. Коце, Стевчо, Тодоровиќ и останатите општински Великомаченици да се сретнат и да го решат ова. Ама? Нема ама.

Извесен Протаставрофор Д-р. Александар Мустеников на порталот "Премин" нè почастил со драгоцен текст за тоа како родителите да препознаат дали нивното дете се дрогира. Притоа, за "нормални деца" постојат 11 симптоми, а за овие дрогашиве - што скриени што јавни - дури 28! Во продолжеток, малку читавме, малку коментиравме: 

Додека целиот свет чекаше Феликс Баумгартнер безбедно да се спушти на земја, пар македонски медиуми велелепно треснаа на земја.

Пазете ова. На еден познат скопски кафич му затребал персонал, па објавил сосема стандарден оглас. Е сега, некој сакал да го „појача“ огласот, па на портал склопил таков текст што ти доаѓа да си направиш кавал, да заминеш в гора и никогаш да не се вратиш во пореметената скопска котлина. Вака оди возбудливиот текст: „Таму каде се вртат главните скопски фаци, каде бизнисмените договараат зделки, политичарите стратегии, а скопските шмизли шеми, ти можеш...“ Погодете што! Погодете што!!!  

На насловната страница на еден македонски информативен сајт ни падна во очи следниов наслов: "Отворено писмо на Александар Петрушевски до амбасадорот на САД во Македонија, Пол Волерс". Иако името на испраќачот, на прва топка "doesn't ring а bell", примачот е доста битен а и формата ("отворено писмо') е прилично драматична, па си викаш, мора да е нешто важно штом информативци го ставиле на насловна.