Фестивалот кој требаше да се одржи кон средината на мај се одлага за јуни, а властите пред некој ден ја отворија фестивалската хала за сместување на бездомниците. Според локалните власти во халата секоја вечер преспиваат меѓу 50 и 70 лица.
На влезот од Палатата на фестивалите на секој бездомник му се мери температура. Внатре за нив е поставен дел за јадење, тушеви и заеднички простор со телевизија и игри. Во сосема друга просторија во три ленти поставени се камп-кревети.
Исто така има и 4 кафези за кучиња, доколку некој од бездомниците има да си донесе куче со себе.
Пред 8 дена, Макрон им порача на 67 милиони граѓани на Франција да останат дома и да се заштитат од пандемијата за да го спречат нејзиното ширење. Проблем е што земјата се проценува дека има околу 12.000 бездомници.
Стравот е дека коронавирусот би можел да има неспоредливо големо влијание на бездомниците кои најчесто се без најосновни услови за хигиена, и често пати страдаат од скриени болести. Најголемиот дел од бездомниците зависат од помош од јавноста која сега е ставена во изолација.
