На хартија интернет брзината која им ја нуди Гугл е 1 гигабит во секунда. Во реалност, стварно е тука некаде, над 900 мегабити даунлоад/аплоад. Кај нас просекот е од 5 до 7 мегабити (од провајдерите што не нудат оптика).
За почеток сервисот се нуди во две варијанти: поскапата, 120 долари, во кои добиваш кабловска телевизија, дигитален видео рекордер и интернет што е 100 пати побрз од сегашните брзини на кабловскиот интернет во САД, и поефтина, 70 долари за кои добиваш само интернет. Најбрз.
Она што е веројатно најлошото за останатите провајдери е што Гугл нуди и бесплатен интернет (со брзина 5 мегабити даунлоад / 1 мегабит аплоад), за кој само треба да ги платиш трошоците за инсталација и носење на оптика до твојот дом.
Сите што ќе потпишат 2-годишен договор, добиваат и гратис Нексус 7 таблет кој може да го користат како далечинско за управување со услугата. Плус во опремата е вклучено ВиФи а корисникот добива и 1 терабајт простор на Гугл Драјв.
Дополнително нешто што Гугл го нуди како предност е дека момците од инсталации ќе дојдат точно на време, до минута, и нема да треба да губите цел ден чекајќи ги или на презакажување.
