Одделението за истражувања на Гугл започна проект наречен Семантички искуства - сајтови на кои преку интересни активности се демонстрира способноста на вештачката интелигенција да разбере како зборуваме (и мислиме).

Отвореното писмо до ЦЕО-то на Гугл е потпишано од 3.000 вработени кои бараат компанијата да престане да соработува со Пентагон во изработка на „вештачка интелигенција за следење“ за потребите на дроновите на американската армија.

Дури ни долар да не заработи од производите на Сан микросистемс, Оракл ќе ги врати сите пари што ги даде за купување на компанијата (7,4 милијарди долари) само од една тужба против Гугл по основа недозволено користење на една нивна технологија.

Иако начините на кои се користат личните податоци на интернет корисниците се далеку од поимливи како за обичниот така и за напредниот корисник, во одбрана на големите социјални мрежи и пребарувачи треба да се каже дека тие најчесто нудат преглед на податоците што ги имаат за вас. Од време на време може да проверите.

За малку да го олабават притисокот дека компанијата е виновна за половина од сите проблеми во општеството, како и заради борба чисто против „малвер и фишинг измами“, Гугл минатата година има блокирано 3,2 милијарди реклами.

Текстовите во кои се пишува како некој таму Брајтон заработил повеќе од Реал Мадрид за телевизиски права на нивните натпревари ќе читаме и во иднина.

Благодарејќи на упорноста на Гугл да прошверцува некаков вид на следење во своите производи или апдејти, и тоа да го објасни дека е за твое добро или за поквалитетно искуство со мобилниот, компанијата има повеќе податоци за своите корисници отколку што тие мислат или сакаат да веруваат. Овие податоци можат да се користат за подобро рекламирање, ама подеднакво и ако им затребаат на властите.

Хром моментално е најпопуларниот браусер на која било група уреди, десктоп, лаптоп, таблет или мобилни. И ако на почетокот на ширењето на својата доминација Гугл гледаше да ги следи веб-стандардите, моментално неговите услуги ги игнорираат овие стандарди и ги тераат луѓето да користат Хром. Нешто слично како Микрософт и ИЕ6 во 2000-те.

Што ги чека технолошките компании, како технологијата ќе се справи со напливот на лажни вести, дали велосипедските патеки полека ќе бидат освоени од електрични возила, што е тоа монопсон, како да се организираат оние кои што работат во тн. гиг економија... се некои од предизвиците во годинава што е пред нас.

За да изградиш компанија со стотици милиони корисници и капитал од милијарди долари треба своето постоење да го поврзеш со некој од главните човечки органи или инстинкти. Во примерот на човек на Скот Галовеј од Универзитетот Њујорк, Гугл е мозокот, Фејсбук е закачен на нашата потреба да сакаме и да се грижиме за некого, Амазон ја покрива нашата „потреба за уште“, a Епл инстинктот за репродукција.

DeepMind, суперкомпјутерот на Гугл успеа да го совлада и надмине знаењето и искуството во една игра кое човештвото го кумулираше цели 3.000 години. За тоа му беа потребни само 40 дена. 

Пред една година, кога го лансираше Ајфон 7, Епл самоуверено застана наспроти сите свои корисници и објави дека го укинува 3,5-милиметарскиот аудио влез. Истата година, Гугл на презентацијата на новиот Пиксел го пеналеше Епл гордо објавувајќи дека Пиксел има една работа што не е нова, 3,5-милиметарски аудио влез. Една година подоцна, Гугл реши да тргне по патот што му го изгази Епл.

Пиксел 2 е ист како Ајфон, кој пак е ист како Ноут.

Годинешниот Гугл настан може да се смета за официјалното етаблирање на Гугл меѓу хардвер тешкашите. На настанот беа претставени: смартфон, лаптоп / таблет со пенкало, слушалки, уред за виртуелна реалност, асистент за по дома во три различни големини и ѕвонче / безбедносна камера. Од софтвер беше претставено многу вештачка интелигенција, отидена многу напред. Она што како по правило го немаше: батерија што ќе држи еден ден.

Проблемот е европски (барем според притисокот врз политичарите и гневот на јавноста), решението е американско и одамна функционира преку Атлантикот.

Во средата ХТЦ ненадејно објави дека привремено го прекинува тргувањето на своите акции на берзата во Тајван. Еден ден подоцна Гугл објави дека потпишале 1,1 милијарда долари вреден договор за купување на тимот на ХТЦ кој до сега работеше на Пиксел.

Делувајќи како поделена личност, додека декларативно се залагаат за поголеми социјални права во општеството (повисока минимална плата, здравствена заштита и сл.) големите технолошки компании во исто време активно и крајно успешно работат на сопствениот директен придонес против проширувањето на овие права преку наоѓање се поинвентивни начини за неплаќање на даноци, од кои ваквите промени би требало да бидат финансирани.

До сега, најголемиот дел од вас слушнаа за т.нр анти-разноликост манифест на Гугл и како Џејмс Дамор, инженерот што го напиша беше отпуштен од работа, пишува во својот текст за Глоб енд меил, Дебра Сох, докторка по сексуална неврологија од Универзитетот Јорк.

Џејмс Дамор, инженерот на Гугл што го напиша 10-страни долгиот меморандум во кој удри по политиките за диверзитет на компанијата, е отпуштен заради "продолжување на родови стереотипи".

Анонимен инженер на Гугл напиша тирада од 10 страни против разноликост / диверзитет на работното место. Пред да се продолжи со муабетот од Гугл сакаат да знаете дека вработените на компанијата масовно го осудуваат тоа што тој го напишал. Токму ова “масовно” е и една од главните причини зошто човекот го напишал текстот.