Соло мајсторија на Кристјансон за победа против Барселона пред звукот на сирената

Ако некој подзаборавил кој беше МВП на ланското финале од ЛШ во Келн нека го види финишот од дерби пресметката меѓу актуелниот првак на Европа, Магдебург и европскиот првак од 2022-ра, Барселона. Готов беше мечот да заврши без победник бидејќи истекуваа последните секунди, но феноменалниот Гисли Кристјансон ја презеде одговорноста и го торпедираше Де Варгас за победа и делирум во салата. Барселона и Магдебург се на прва и втора позиција во група со идентичен скор од 11 победи и 2 порази.