- Томас Тухел со врвно портфолио седна на клупата на Баерн Минхен и се очекуваше еден со друг да си одговараат сјајно и тоа да биде долгогодишна успешна приказна.
- Но се испостави дека Баварците под негово водство играат крајно додевен, бавен и незаинтересиран фудбал. Испаднаа од германски Куп од третолигаш. Во Бундеслига заостануваат веќе -10 бода зад лидерот Баер Леверкузен а во Лига на шампиони се на праг од испаѓање (0-1 негатива со Лацио).
- Холандскиот тренер Арне Слот (45) кој неколку години со голем успех го води Феенорд би можел да биде наследник на Тухел во новата сезона. Слот лани беше избран за најдобар тренер во Холандија а неговиот тим игра брз, агресивен фудбал со снажен пресинг, нешто што е синоним за Баерн Минхен.
- Педесет и едно годишниот Португалец Пауло Фонсека е нов тренер на италијанскиот вицешампион Милан. Доаѓа на место на Стефано Пиоли со кого не беше продолжена соработката.
- Фонсека својата тренерска кариера ја започнал во родната Португалија уште во далечната 2005-та година кога предводел младински тим во Амадора. Од 2007-ма е во сениорскиот фудбал, а во Португалија ги водел клубовите: 1. декември, Одивелас, Пињалновенсе, Депортиво Авеш, Пакош Фереира, Порто и Брага пред да тргне во странство.
- Одличните резултати во Шахтјор Доњецк го препорачаа да стане тренер на Рома каде остана две сезони без некои поголеми успеси. Реномето го врати во француски Лил кој под негова палка играше супер фудбал и се пласираше во Лига на шампиони. Договорот со Милан му е на 2 години со можност за уште една плус година. Тој е познат како тренер кој сака напаѓачки фудбал и дава шанса на млади играчи.
- Американските медиуми пренесуваат дека на 86-годишна возраст починал легендарниот кошаркар Џери Вест по кого е настанато светски познатото лого на НБА со кошаркарска силуета.
- Џери Вест важи за една од најголемите легенди на НБА. Од 1980-та па се до 2000-та работеше во Лос Анџелес Лејкерс а подоцна своето знаење го пренесуваше и во Голден Стејт Вориорс.
- Џери Вест дури 14 пати учествувал на Ол-Стар натпревари а 12 пати бил биран во тимот на сезоната во лигата. Се прославил откако со Вил Чемберлен и Оскар Робертсон прв станал дел од клубот на играчи кои дале најмалку 25.000 поени во НБА. Во 1960-та бил и заменик капитен на селекцијата на САД на Олимписките Игри.
- Еден е од првите членови на Куќата на славните во Спрингфилд.