- Името и презимето на играчот кој ја бранеше левата страна на аргентинската фудбалска репрезентација на Мундијалот во Бразил не е само Маркос Рохо. Неговото целосно име е Фаустино Маркос Алберто Рохо;
- Роден е во 1989. година во Ла Плата, а најдобри совети за тоа што го очекува во Манчестер му дал Хуан Себастијан Верон, поранешниот играч на „црвените ѓаволи“;
- Рабона" е омилениот потег на Рохо, кој ја прави оваа финта без разлика дали е во напад или треба да ја исфрли топката од својот шеснаесетник;
- Европската авантура, нискиот бек ја започна во Спартак Москва, каде дојде во 2010. година од неговиот матичен клуб Естудијантес;
- Од главниот град на Русија, Маркос Рохо си замина по само една година, а следна дестинација му беше Спортинг Лисабон;
- Како Порто, така и Спортинг успешно работи на трансфер пазарот, па така „зелените“ го купија Рохо за 3 ипол милиони, а сега го продадоа во Манчестер за 16 милиони фунти.
- Аргентинецот е модерен дефанзивец кој може да игра на неколку позиции. Универзалноста во играта му овозможува со ист успех да игра и како лев и како централен бек, но и како лево крило, нешто што најмногу би му одговарло на тренерот Ван Гал во неговата формација 3-5-2;
- Рохо нема да дебитира против Сандерленд, затоа што сè уште нема работна дозвола;
- Само пофалби на сметка на новото засилување имаше Ван Гал, кој после воведниот пораз од Свонси потенцираше дека на одбраната ѝ треба реновирање;
- Спортинг Лисабон ќе добие 8 милиони фунти веднаш и уште 4 милиони во декември следната година. Остатокот од средствата се компензација за позајмицата на Нани, кој се враќа во Лисабон како позајмен играч;
- Рохо е препознатлив по бројните тетоважи по целото тело. По Даниел Агер, сигурно дека Рохо ќе стане новиот тату – симбол на Островот;
- Аргентинскиот бек не настапи за Спортинг на отворањето на сезоната минатиот викенд.
