Шпанската фудбалска федерација соопшти дека нема заеднички јазик со владата околу неколку прашања и се жалеше дека Министерството за спорт многу им се меша во нивната работа.
Тие се незадоволни што добиваат само 4,55 проценти од приходите за тв права и тврдат дека никогаш не им било дозволено да најдат решение со кое би го приближиле шпанскиот фудбал до колективни договори за тв права, а не индивидуални.
И покрај тоа што за следниот викенд, најавија штрајк кој имаа намера да го прошират кај судиите, тренерите и регионалните федерации, Врховниот суд пресече дека тој е нелегален и дека нема да може да се одржи.
Тоа значи дека ќе се доиграат последните две кола во Примера каде Барселона има предност од четири бода пред Реал и е блиску до освојување на титулата. Каталонците овој викенд му гостуваат на Атлетико, а Реал Мадрид на Еспањол.
Проблемот со тв правата во Шпанија е што најголемиот колач го земаат Реал Мадрид и Барселона, за разлика од Премиер лигата каде парите се делат по основ на гледаност и успехот на клубовите.
