Празнична фудбалска недела со Вардар - Зенит и Барселона - Јувентус

Лесно ќе се сложите со нас дека понеделник е глуп ден од повеќе аспекти, особено што од фудбал може да се гледаат Хадерсфилд и Лас Палмас, ама кој го врти денов. Ќе го искористиме да го најавиме уживањето кое престои. Во четврток сите на стадион.

Натпреварување: Лига Европа. Натпревар: Вардар - Зенит. Ден: четврток. Време 21:05. Локација: Арена Филип Втори. Карти: Од денес во продажба.

Ова е спортскиот настан број 1 кој со години и години го чекаше скопската публика. Вардар конечно ќе игра во групната фаза од Лига Европа рамо до рамо со Арсенал, Милан, Лацио...

Кој очекуваше дека меѓу 12-те групи од по 4 екипи годинава ќе го има и Вардар, особено по еден таков исклучително тежок пат на кој му стоеа Малме, Копенхаген и Фенербахче. Сериозни клубови кои знаат што значи Европа.

Вардар - Зенит не е единствената понуда од фудбалска Европа за оваа недела. На овој меч кој го очекуваме со нетрпение му престои дводневна програма од Лига на шампиони која уште на старт ни го носи репризното финале од 2015-та и деби на Стефан Ристовски кој со Спортинг отпатува во Атина.

Ова е дел од богатата празнична фудбалска недела за која ви треба само желба, пиво и слободни денови (од жените). Ќе ги болдираме најинтересните дуели.