Во принцип тој можел само да ги слуша омилените Arctic Monkeys и да игра фудбал, но стоперот отишол малку подалеку. Им помагал на новајлиите да се скрасат во новиот тим, им помагал кога купувале автомобил или изнајмувале стан и се однесувал како прав капитен кој влијае на екипата.
Животот во Саутемптон му бил цикличен, затоа што секое лето клубот губел некој од лидерите кој заминуваа во поголемите клубови. Во такви околности, верноста на Фонте се вреднува уште повеќе. Не е едноставно еден играч кој трчал против Даг енд Ред и Саутенд сега да игра против Челси и Ливерпул.
Фонте снимаше и неколку видео пораки до навивачите во кое ги повикуваше да не паничат и дека се ќе биде во ред. Еднаш дури го убедил Морган Шнајдерлин да остане уште една година во Саутемптон.
Прв голем проблем во клубот Фонте доживеал кога за време на еден тренинг се закачнал со Итало-Аргентинецот Пабло Освалдо кој го удрил со глава и му го скршил носот. Крв течела на сите страни, а тренерот Маурицио Почетино го прекинал тренингот.
Скандалозниот Освалдо никогаш и никаде не бил популарен лик и се скара каде и да играше. Во еден момент се обидувал да ја смири ситуацијата и од официјалниот профил твитал извинувања во кои го тагирал Фонте, но играчите му кажале на Почетино што мислат за тоа. Самиот Жозе не му придавал значење на инцидентот, а Освалдо беше избркан од клубот.
Но доста за тоа.
Обично во август за Жозе се почнува одново, па и нови партнери во одбраната. Едно време во тандем со Дејан Ловрен ги потврди своите високи квалитети а играше и со Тоби Алдервирелд и авантуристот Вирџил ван Дајк. Таков микс на играчи во одбраната не му сметаше на Саутемптон да биде тим со најдобра одбрана во лигата.
После долги години Фонте повторно се сретнал со стариот познаник, Фернандо Сантош, овојпат во селекцијата на Португалија. Со поранешниот тренер на Бенфика и Спортинг немал никакви проблеми:
„Памтам пред едно 10 години дека не бев така добар фудбалер како сега. Одлуките на Мистерот беа оправдани што не ми даваше многу да играм. Благодарен сум му што денес ги признава моите вредности.
Необично е што Жозе Фонте за репрезентацијата дебитираше на чудниот пријателски меч против Аргентина и тоа на 31 година. Влезе во второ полувреме, но малку луѓе го приметија. Тоа се случува само кога на теренот во исто време се Кристијано Роналдо и Лионел Меси.
Европското 2012 Фонте го гледал дома со семејството. Во Франција летово почна од клупата за резерви, а после третиот гол на Унгарците, Фернандо Сантош го стави во игра Жозе Фонте (Со 32 години беше меѓу најмладите во португалската одбрана). Во нокаут фазата во плејофот Португалија прими само еден гол додека Фонте беше во игра.
Капитенот на Саутемптон го освои Европското. Како и тогаш кога се кладел со Кристијано Роналдо во пари дека ќе стане голем играч. Жозе Фонте точно знае како може да се вкрсти патот на фудбалската кариера со човековата судбина во една точка.
