„This Is Why We Love Football“ е можеби клише фраза, ама 100% адекватна за ова чудо кое одекна од Холандија.
Ајакс, поим за фудбал во Холандија и пошироко, асоцијација за Јохан Кројф, клуб кој важи за еден од најуспешните во светот во 20-ти век елиминиран е во 16 финале од домашниот куп од четвролигашки анонимуси.
Херкулес на прва ќе ве потсети на истоимениот шпански клуб кој исто така е дел од четвртата лига, но нив ги паметиме и како прволигаши.
Холандскиот Херкулес е друга приказна и прв аматерски клуб кој успеал да го исфрли Ајакс во Куп во нивната 123 годишна историја.
И тоа во натпревар со голема неизвесност и драма. Водеа 2:0, а Ајас успеа да се врати со два гола дури во 84-та и 89-та минута. Мега херојот се вика Гротенберг, а историјата ја испиша со погодок во 93-та минута.
🇳🇱😱 Hercules, from the 4th division of Dutch football, just knocked Ajax out of the cup with a 3-2 win... WOW! pic.twitter.com/4V3sue3ATn
— EuroFoot (@eurofootcom) December 21, 2023
USV Hercules - an amateur team that plays in the fourth tier - have knocked Ajax out of the KNVB Beker with a 3-2 victory thanks to a 90+3' winner. 🤯
— Squawka Live (@Squawka_Live) December 21, 2023
What's 'Magic of the Cup' in Dutch? pic.twitter.com/Ob8KOZ7xkD
Инаку Херкулес е стар клуб, формиран 1882-ра година, постар е и од Ајакс кој постои од 1900-та. Но, со нула историја.
На Википедија едвај има два пасоси за нив, а меѓу неколкуте реченици, влезе овој нереален успех против Ајакс.
Играат на терен со 1.000 седишта кој повеќе личи на помошно игралиште. Коефициентот за освојување на Купот е 100.
Инаку Ајакс го има најлошиот старт во историјата, а освен најсрамната елиминација во Куп, не успеа да помине ниту групи во Лига Европа.
Заврши трет на табела со една победа, во конкуренција со Брајтон, Марсеј и АЕК и продолжи во Конференциска лига.
Во првенство е петти со 25 бода, а лидерот ПСВ има 48. Зборуваме за тимот кој пред само четири години ги исфрли во нокаут фазата од ЛШ, Реал Мадрид и Јувентус.
