Од звуци на садници канабис до врескачки пауни, проголтани микрофони и бебиња во матка, постојат музичари кои ги отфрлаат „обичните“ инструменти и звуците кои можат да се добијат со компјутери. Нив ги интересира нешто...поинакво. 

Бизнисот на изработка на „џинглови“, потсетници и аларми за различни апарати за домаќинството цвета. Но дали звуците што ги испуштаат тие навистина им прават разлика на потрошувачите или само создаваат непотребна врева?

Жителите на Кремона во Италија деновиве се особено чувствителни на звуци. Во обезбедување тишина е ангажирана дури и полицијата. Сето тоа само за да се направат квалитетни снимки од Страдивариуси за идните поколенија.

Однапред се извинуваме за последиците што може да ги искусите од гледањето на овие видеа. Ама (спојлер) има ли поубаво од звук на рака што минува по плишана прекривка?

Апликациите за аугментирана реалност главно се користат за комерцијални цели. Иако се скапа „играчка“, има и ентузијасти кои ја користат експериментално. Во овој случај за мапирање и визуелизација на звуци во простор. Следниот пат кога ќе ви дојде да му се издерете некому помислете како тоа изгледа, не метафорично, туку реално.

Ѕвончиња, жичани инструменти, длабоки и високи тонови, придружени со психоделични шарени кругчиња. И сето тоа генерирано од корисниците на најголемата интернет енциклопедија.

Некои спортски звуци се незаменливи: оној ритмичниот на пинг-понг топчињата, електронскиот сигнал пред почетокот на пливачките трки. За тие да бидат јасни и гласни си има занимање - официјален тонец на Олимпијадата.

Некој со ник kogonada специјализира правење видео есеи онлајн. И тоа еден вид есеј, кој се концентрира на само една карактеристика на одреден филмски автор - на пример компилации на кадри снимени од жабја перспектива од филмовите на Тарантино, или на оние снимени со субјективна камера во Breaking Bad.