Рома обезбеди предност од 1:0 на првиот полуфинален меч од Лига Европа против Баер Леверкузен. Во изјавата после мечот Жозе му рече на новинарот дека ова е само полувреме и не сака да прима честитки. „Никогаш не сум славел на полувреме, никогаш не сум плачел на полувреме кога губам“, рече Португалецот.

Не можеш да излезеш на крај со Жозе. Новинарот кој влезе во дискусија со него после поразот на Рома на првиот четвртфинален дуел од ЛЕ беше и синоќа на реваншот. Мурињо ги искористи своите 5 минути и направи претстава на пресот. Плус го пецна и Касано.

Палавиот Антонио Касано во Јутјуб подкаст кај Бобо Виери фати да се закача со Мурињо. Не само што доби аргументиран одговор, туку и реметење.

Анегдотите и приказните од двете легендарни години на Жозе во Интер никнуваат како печурки и редно време е да видиме некој документарец. Марко Матераци дава свои примери зошто бил посебен или „специјален“, а на крај го пцуел (веројатно пријателски), затоа што го оставил со Рафа Бенитез.

Рома ја совлада Сампдорија со 3:0 и остана во мртва трка за место во ЛШ, за разлика од гостите кои се повеќе се движат накај втора лига. Навивачите на Рома го навредуваа Станковиќ и му скандираа zingaro (циган), но Мурињо кој му беше тренер на Деки во Интер, се обидуваше да ги смири.

По елиминацијата во Конференциска лига и во очи на римското дерби, Жозе Мурињо го закачна Лацио во негов стил. Ама дупло си го доби назад.

Рома ќе биде без тренер во следните две кола во Серија А, но тоа изгледа нема да биде крајниот исход од кавгата со четвртиот судија кој воопшто не бил нежен кон Португалецот.

Ете ти нова прес конференција која се надоврзува на нашата вчерашна статија со наслов „Најповторуваните и најдосадните изјави на тренерите“. Мурињо беше два пати во Скопје, го сакаме пак. Роден е за шоу.

Рома загуби 2:1 на гостувањето против Наполи, а Елмас влезе во игра во 69-та минута. Задоволен од тимскиот дух, Жозе Мурињо побарал од играчите да овековечат една заеднична фотографија после поразот. Фудбалерите и не се нешто воодушевени од идејата.

Пуштете ја одма „Mel Made Me Do It“ од Стормзи и гледајте кој е во спотот, ако не му верувате во насловот. И тоа го има со една од неговите најпознати изјави. Што нема да дочекаме од човеков.

Аталанта ја скроти Рома на Олимпико со 0:1, а Жозе Мурињо во второто полувреме беше исклучен. Португалецот се изнервира поради прекршок врз Заниоло од кој очекуваше пенал и потоа побудале. Прво влета на терен да се објаснува, а потоа неконтролирано го пцуеше судијата, па дури и му се сипа.

Спортинг - Рома синоќа 3:2, како дел од пријателските за билдање форма пред новата сезона. Мурињо не треба да ја билда формата, тој секогаш ја има.

Случката е 2005-та година, кога го водел Челси. Бил суспендиран и со саати порано отишол скришно во соблекулна за да биде со играчите, ама проблемот било како да излезе без да го видат. Се криел како на филм, во метална корпа и додека редарот морал да го сокрие од УЕФА, го фатило криза за воздух. Па ова е можеби сторија нумеро уно од кариерата на царот, за кој ќе нема наследник.

Многумина сметаа дека на Португалецот му заврши најдоброто време и ретко кој веруваше дека сезонава ќе испише историја. Но тој ги обедини и клубот и базата на навивачи, за прв пат од неговото време во Интер.

„Многу работи ми поминуваат низ глава, многу работи во исто време“, рече емотивниот Мурињо кој како да го потценија откако прифати да ги тренира Тотенхем и Рома, а тој синоќа освои нов европски трофеј, прв во историјата на Рома. Фудбалерите направија делириум на прес конференцијата по мечот кој продолжи во соблекувалната.

По рецептот на Ајнтрахт Франкфурт и навивачите на Рома се собраа и направија фешта на својот стадион, каде на видео бим го следена финалето од Конференциска лига.

Некој добро поткован фанатик за фудбал, седнал на монтажа и си играл со зборовите на двајцата славни тренери. Ама ептен јако си играл, како за Валентајн.

Рома ќе игра европско финале по пауза од 31 година, а еуфоријата на навивачите драстично се засилува. Еден од што не можел да издржи, извршил кражба во фан шопот на клубот.

Рома и Феенорд се први финалисти во новоформираното трето по ранг клупско европско натпреварување. Португалецот е во транс и во солзи и може да стане прв тренер со трофеј во ЛШ, ЛЕ и Конференциска лига.

Гостувањето на Рома на стадионот Диего Марадона, португалскиот стратег го искористи да и оддаде почит на фудбалската легенда која има посебен статус во овој град.

Што е за право, во право е. Никој после Фергусон не може да го пркне клубот, а тој кога го зема освои три трофеи од кои еден меѓународен. Интересно, снимкава е кога тој им беше тренер, а ништо подобри не се и тие после него.

Тука е тешко да се сконта кој се брани, а кој напаѓа, а не па да се донесе правилна судиска одлука од прва. Во судиското продолжение на мечот Специја - Рома, не се знаеше кој пие, а кој плаќа пред голот на домаќините.

За прв пат после 12 години, Жозе Мурињо се враќа на местото каде испиша историја во која дел беше и Горан Пандев. Мигови врежани во срцата на навивачите на Интер.

Тинејџерот на Рома Феликс Афена Гјан доби ветување од Мурињо дека ако даде гол против Џенова, ќе добие патики од 800 евра кои многу му се допаѓање. 18 годишниот напаѓач даде два, а Жозе следниот ден ги набави и му ги даде лично. За тоа е цар, кога ќе вети нешто ветено е.