Откако беше купена од Њујорк Тајмс за дебела сума, мега-популарната зборовна сложувалка ги исфрли „неподобните“ од своите редови. Со ова само се потврди дека промени во слободниот концепт по продажбата сепак ќе има, иако оние кои го критикуваа потегот тогаш повеќе мислеа на реклами и спонзорства.

Бабичка од Чикаго била спасена од 17-часовно заложништво откако полицијата била алармирана врз основа на една загрижувачка околност: жената не го испратила на ќерка си својот дневен резултат на играта, нешто што никогаш не пропуштала да го стори. 

Креаторот Џош Вардл е „превозбуден“ што весникот ја презема интернет сензацијата и ветува дека таа ќе остане бесплатна. Некои од играчите се сепак скептични и стравуваат дека големата инвестиција вака или онака ќе треба да се врати.