Вуди Ален и Сони мораа судски да докажуваат дека не ги повредиле авторските права на Вилијам Фокнер (умрен пред пола век) затоа што употребиле негов цитат во филм. Колку е таа ситуација со авторските права забегана говори и фактот дека ослободителната судска пресуда морала да биде образложена на цели 17 страници.

Вчерашната изјава на министерот Попоски, која во медиумите беше пренесена како „историјата треба да остане во минатото" е фала богу спротивна на логиката и на Фокнер, а и на Вуди Ален. Во спротивно можеби ќе нè тужеа.

На 5-ти декември 1921 година, идниот Нобеловец и добитник на Пулицеровата награда, Вилијам Фокнер, добива работа на Мисисипи Универзитетот. Иако доаѓал најдоцна а си одел најрано од сите, иако ги игнорирал колегите, ги фрлал добиените писма, пишувал раскази и играл бриџ во работно време, некако успева да остане таму цели три години. На крај, решава дека му е доста такво малтретирање.