Откако во духот на велигендското чудо шпионот Сергеј Скрипал и неговата ќерка мистериозно закрепнаа (ваистина закрепнаа) од нервниот гас кој, кога требаше, беше „десетпати појак од кој било друг нервен отров на светот“, рефлекторите на западнoтo внимание предвидливо се свртеа на сосема друга страна. Сега рускиот сојузник Асад труел непријатели со нервен отров. Зошто? Е зошто де?   

Во март британскиот министер за надворешни работи во интервју за Дојче веле потврди категорично, неодречиво и „со златни букви Тито“ дека отровот што е искористен против Скрипал доаѓа од Русија и дека тоа му го потврдиле од лабораторијата што испитувала. Не му го потврдиле.

Шефот на руската дипломатија вели дека Кремљ нема никаков мотив или интерес да го елиминира Сергеј Скрипал. Тој не гледа друго објаснување освен дека на британската влада ѝ бил потребен голем скандал за да го оттргне вниманието на јавноста од проблемите со Брегзит.