Да се биде меѓу најверните навивачи во земјата во која е основан фудбалот и кој се сака безвременски значи навистина да сте направиле некој животен подвиг.

Додека навивачите на „црвените ѓаволи“ во малиот Мејсон Гринвуд гледаат светло на крајот од тунелот, синоќа им дојде еден уште помал фудбалер и ги олади на „Олд Трафорд“ па спасуваа жива глава на пенали.

По ужасот на Тотенхем кој како европски вицепрвак се изрезили против четвртолигашот Колчестер, уште една екипа која ја знаеме само од билтен беше блиску до сензација. Тоа е Рочдејл од Лига 1, кој не само што му извади 1:1 на Манчестер Јунајтед и загуби дури на пенали, туку можеше да им ја закопа поштено.