Повозрасните фудбалски гурмани ќе се сетат како на времето (многу честа појава кај нас) на стадион имаше по некој чичко со транзистор во рака. Грицка семки и слуша пренос од други натпревари или од оној што го гледа ама не го догледува убаво од високо. Какви убави и искрени времиња.

Поради големата еуфорија, тензија и важност на мега градското дерби во Буенос Аирес, едно аргентинско радио вршело пренос од мечот со смирувачка, хармонична музика во позадина и со спикер со тивок и нежен глас. Сево ова за луѓето со срцеви заболувања кои навиваат за едниот или другиот клуб.