Проценките се дека во даночни засолништа се чуваат меѓу 21 илјада и 31 илјада милијарди долари, што е некаде колку обемот на американската и јапонската економија заедно. Доколку се собере данокот што го избегнуваат богатите, тој ќе покрие најголем дел од годишниот дефицит на секоја од земјите на Г7.

Што всушност „се откри“ со најновите милиони протечени документи од оф шор компании: дека тајкуните и компаниите со помош на своите даночни експерти, финансиски советници и адвокати го мрдаат капиталот со цел да ги намалат даночните основици и на тој начин да платат помалку данок. Тоа е како да откриеш дека сладоледот има шеќер или дека мечките серат во шума.