Излишно е повеќе да се прават споредби за тоа каков беше фудбалот без навивачи и сега, посебно после ваков клип. 15 септември, 2021-ва, Ливерпул - Милан 3:2. Уживајте.

Сонот наш од детство е остварен. По 30 години од осамостојувањето, Македонија дебитираше на Европското првенство. Во Букурешт бевме па речиси како домаќини, со 4.000 навивачи на трибини и со многу емоции кај Мрме и неговите избраници кога се интонираше химната. Ова е снимка за историја.

Снименa е на еден куп локации низ Македонија со еден куп фаци, што познати, што рандом кои се пријавиле за да бидат дел химната која го одбележува историскиот момент на нашата фудбалска репрезентација. Убаво го спакувале. Се вика „Одиме на Европско првенство“.

Се вика „Одиме на Европско“, ќе се снима во шест градови низ државава и секој може да се пријави како статист. Вчера ги начекавме со автобусот низ град.

Чудна е релацијата репрезентација – федерација или поточно Ангеловски – Сејдини, а уште почудно е што ова се случува во време кога првиве под капа на вториве бележат историски резултати за македонскиот фудбал. Се фрлаат непотребни и несфатливи флеки во најубавиот период од постоењето на селекцијата.

Најубавата фудбалска химна звучи одлично и со харфа, особено кога ќе ја навежба човек убаво како Ева. Кога ќе ја слушаме на стадионите? За групна фаза ќе почекаме до 20 октомври, уште квалификациите не се доиграни.

Пред месец дена требаше да го дознаеме европскиот првак, ама сè се поремети. Не дека е лошо сега со фудбаливе, бидејќи секоја вечер ги има, ама го чекаме вистинскиот, шампионскиот фудбал од кој произлегува ваква атмосфера која за жал веројатно овој пат ќе биде забранета.

Кога кумот и другарите ќе се потрудат на најсликовит начин да ти дадат до знаење, дека прстенот не значи бришење на фудбалските собири во вторник и среда. 

Тоа што спортот стагнира, ни дава уште повеќе време за буричкање по неоткриеното. И кога оп, ете ти ги „The Grandmothers“ од Штип кои пејат вака: „Се собравме сите, стегнавме заби, го создадовме ФК Баби. Почнавме од трета, влеговме во втора, ќе газиме и во прва“.