Рамбо Амадеус дури и за општата изборна демократија предлагаше да се воведе некој базичен тест за интелигенција, за некако да бидеш посигурен дека оние што ти гласаат пратеници и влада имаат појма што прават. Исто е и со онлaјн коментирањето, само што, за среќа, тоа е полесно да се спроведе. Инаку, под нашиве текстови ќе требаше да читате типови како Никола Наумовски.

Угледниот американски NPR се придружи на долгата листа сајтови кои ја укинаа можноста на читателите да коментираат под нивните статии. Откако пробуричкале во импозантните бројки, го сфатиле ноторниот факт дека целата бучава ја прават мала група луѓе; па ете им го ним Фејсбук да си вадат очи  (нагалено: дебатираат).