Сторијата ја раскажува Синиша, а кога од другата страна го имаш легендарниот српски стратег, приказната одма има поголем шмек.

Клубот од Бергамо во последните пар сезони е најпријатно изненадување за цела фудбалска Европа, зошто со млади, талентирани фудбалери како од шега дава по 4,5 гола на секој втор натпревар и во Лига на шампиони е фаворит против гиганти како Реал Мадрид или ПСЖ. А за клубот на времето играа и познати имиња.

Дуел на титаните во полуфинале на Мундијал Италија '90-та. Бразил против Аргентина. На теренот ѕверки како Тафарел, Дунга, Карека, Валдо, Буручага, Марадона, Каниџа. Токму последниве двајца го решија мечот во 80-та минута и „гаучосите“ отидоа во 1/4 финале.

Клаудио Каниџа е култен херој на Аргентина познат по белиот прав и другарството со Марадона. И да победува и да губи неговиот тим, никој не можеше да го извади од диско, па дури ни Вујадин Бошков.

Од прекарот Син на ветрот до Коканиџа, ова е патот на еден од најсаканите аргентински фудбалери во историјата, кој само по своја заслуга ја прокоцка шансата да влезе меѓу најголемите.