Вајард деновиве објавија репортажа од 12.000 зборови за изминатите година и пол во Фејсбук, за која е разговарано со 65 сегашни и поранешни вработени. Сосема споредно, од репортажата може да се направи и тајмлајн за заминувањето на луѓето кои го создадоа Инстаграм, Кевин Систром и Мајк Крајгер, од Фејсбук.

Во исто време и двете компании сакаа да го купат Инстаграм. Фејсбук даваше 1 милијарда, Твитер 520 милиони. Крајниот исход (иако така изгледа) нема никаква врска со парите.

Првиот човек на Инстаграм, Кевин Систром, и сега веќе една од најуспешните приказни од Силициумската Долина, кој успеа за 18 месеци да направи софтверска компанија вредна 1 милијарда долари, никогаш нема студирано програмирање.