„Не можев повеќе да ги удирам колците со дланката, па продолжив со лактот. Тоа беше ужасна болка, на крајот врескав, но дојдов да скијам за вас“, изјави кралицата на скијањето која за осум години направи светска блескава кариера.

13 години поминаа од епскиот настап на најдобрата скијачка на сите времиња, Хрватката Јаница Костелиќ. На патеката во хрватски Сљеме, во првата трка од Светскиот Куп заврши седма, па во втората сакаше да им се оддолжи на сите кои по студено време дојдоа да навиваат за неа.