Во пакетчиња со бисквити Сенсбери со симболично име „Вкуси ја разликата" мистериозен поет со прекар „Пекарот кој се досадува" остава хаику песни, кои зборуваат за неговото незадоволство од работата. Добро, оставаше, додека не го отпуштија.

НАСА во ноември ќе испрати ново летало во вселената. MAVEN има мисија да ја испита атмосферата на Марс, а за нејзино поетско збогатување со него ќе бидат испратени и 1,100 хаику песни, кои беа одбрани на конкурс организиран од Универзитетот во Колорадо.

Полицијата во внатрешноста на Јапонија гони 63-годишен маж за кого се сомнева дека убил пет лица, потпалил две куќи и зад себе оставил трага во вид на хаику песна.

Њујорк тајмс објави дека започнува нов проект - сајт на кој вестите на денот ќе бидат во форма на хаикуа. Иако информацијата излезе на 1. април, изгледа дека работата е сериозна.