Кога мрачната и ретко добра драма на ХБО, ќе ја дофатат ситком докторите на ЕнБиСи, го имате ова. Ова и слични видеа ќе треба да не држат до 2013-та, додека да ја дочекаме третата сезона.

Неделава заврши и втората сезона од "Игра на Троновите" и тоа поспектакуларно од првиот дел. Приказната се прошири речиси за два пати, дојдоа нови ликови со богати карактери а старите станаа далеку поинтересни и компликувани. Приказната нема да ја раскажуваме бидејќи целата работа треба да се изгледа (или да се прочита), ќе се задржиме на актерите и што правеа пред да влезат во светот на Џорџ Мартин.

Ова веќе има логика. Серијата е феноменална и е базирана на спектакуларна книга. Главен проблем е што приказната во книгата е толку богата и толку распрoстранета што 15 сезони не нè крпат. Затоа во ДВД-то од првата сезона се вклучени неколку дополнителни видеа кои ја објаснуваат историјата на сите "куќи," кој лик од каде доаѓа и ставот на секоја од "куќите" за главните настани во серијата. Изгледајте го, сè ќе ви стане појасно.

Два дена по премиерата ХБО инстантно им го продолжи договорот на Игра на тронови за уште неколку сезони. Кратко по ова, серијата речиси ги собра сите пофалби од критичарите, но заглави ниско со рејтинзите. Како серија со толку мала публика успева да извади пари?

Таман ако сте помислиле дека ама ич не ви е гајле кога ќе почне "Game of Тhrones," еве трејлер од втората сезона кој комплетно ќе ве разубеди. Блазе тие што уште ја немаат гледано ни првата сезона, имаат цели 10 епизоди за уживање.