Ако мислите дека мак фудбалот е тапа и понатаму, во заблуда сте 100%. Пробајте да гледате четврта лига на Јутјуб, па ќе прајме муабет.

Постојат многу малку, а веќе прават големи работи и се пример за многу поголеми екипи од нив. Во меѓувреме освоија и трофеј.

Новата скопска фудбалска приказна од Кисела Вода, викендов и официјално почна да се испишува. Дебитираа во четвртата лига со пораз во Долно Лисиче од Победа. Скоро им правевме интервју, ама не се пофалија дека го купиле и Златан Ибрахимовиќ.

Дечките се веќе хит со самиот начин на кој одлучиле да му го дадат името на клубот, а уште го немаат одиграно ниту првиот официјален натпревар. Идејата доаѓа од Франција, прекрасните црвени дресови од Германија, тренерот е од ФК Вардар, а тимот ќе го најдете во Кисела Вода. На позицијата „админ на Твитер“ имаат голем и докажан играч.

Јак муабет падна на Твитер, прејак, а темата е името на клубот на кој внимавајте и вие да не клизнете.