Три работи: Прво, Жижек има свој осврт на фејк-њуз што е и како е; второ, на РТ; трето, каде од пред некое време има сопствена емисија под наслов „Како да ги гледате вестите, со Славој Жижек“.

Како и секоја новинарска мака последнава деценија и на оваа корените и се во Гугл и Фејсбук, поточно во нивните деспотски алгоритми кои со една најмала измена можат да те преплават со посетители или целосно да ти ги секнат истите. Од другата страна на шалтерот ова се одразува како нивна способност да изберат кои вести на кои корисници ќе им бидат послужени, а кои ќе бидат тргнати на страна.

Затоа што англискиот јазик и онака е богат со соодветни зборови и фрази, нема никаква потреба од користење на омилениот термин на Трамп, посебно не во службени документи на британската влада.