Мареј одигра страшен натпревар против Индијана со 52 поени, а тоа донесе нов, до сега невиден податок кај деталните НБА статистичари. За прв пат во историјата, тројца играчи од ист тим постигнуваат минимум 50 поени после првите 21 натпревари од сезоната. Серијата ја почна Гордон на 23 октомври со 50 поени против Голден Стејт Вориорс, ја продолжи Јокиќ со 55 поени против Лос Анџелес Клиперс, а ноќеска ја заокружи Мареј со 52 против Индијана Пејсерс.

Денвер Нагетс ја доби Индијана со 135:120. Никола Јокиќ беше повторно на ниво со 24 поени, 13 асистенции и 8 скока. Но, јунак на мечот беше Џамал Мареј кој ги растури Пејсерси со 52 поени. Само 4 поени му фалеа да го надмине личниот рекорд. Канаѓанецот реализираше дури 10 тројки од 11 обиди и тоа со ситна повреда. Нагетси се петти во Западната конференција со скор 15-6, исто колку што има и Сан Антонио.

Ѕвездата на ЛА Клиперс, двократен шампион во НБА со Сан Антонио Спарс и Торонто, Кавај Ленард важи за еден од најдобрите дефанзивци во лигата. Синоќа на третиот меч од плејофот меѓу Клиперс и Денвер Нагетс, на две минути до крајот го изблокира Џамал Мареј со среден прст.