На годинешниот Ден на самците, празник кој денес се поврзува со еднодневните масовни попусти на Али Баба и Али Експрес, купувачите потрошија рекордни 25 милијарди долари.

Трансакциите на Алибаба ја надминаа границата од 9 милијарди долари во рок од првите 12 часа од попустите на Денот на самците. Само во првите 8 минути по почетокот на попустот купена е стока во износ од 1 милијарда долари. Првиот час го затвориле со 3,9 милијарди долари.

Денот на самците е нешто како анти-Валентајн празник кој во Кина се слави последниве две децении. На овој ден, само една компанија, Алибаба, ќе има поголема продажба отколку што во САД на Црниот петок и на Сајбер понеделникот заедно ќе биде продадено преку интернет.