Кошаркарите на Партизан и Мега се сретнаа во 17-то коло од АБА лигата, натпревар кој мина целосно во знакот на прерано починатиот кошаркарски стратег за кој тагува цела Србија и пошироко.

Големото градско ривалство во Белград синоќа барем за момент беше во втор план. На мечот од Евролигата меѓу Црвена Ѕвезда и Басконија, цела Штарк арена го испочитува поранешниот играч на Партизан, Дејан Милојевиќ кој почина од инфаркт на само 46 години.

Многу луѓе од кошаркарскиот свет се скршени поради смртта на Дејан Милојевиќ, затоа што важеше за голем борец, карактер и пред сè предобар човек. Во последното интервју вели дека ги сака годините кои ги има, бидејќи во нив го научил најдоброто нешто што во животот, а тоа е да ужива во моментот и да не прави долгорочни планови.

Велат дека да не постоел Дејан Милојевиќ, Никола Јокиќ немаше да биде тоа што е денес. Беше познат како еден од ретките тренери од Европа кој имаше привилегија да работи во НБА, каде прати дури 11 играчи на драфтот.