По двата кикса со Малага и Виљареал, Реал Мадрид забележа две импресивни победи со резултат 5:1 и дојде до бројката од 100 постигнати голови оваа сезона. Барселона го победи Атлетик Билбао со 2:0 на 100-от натпревар на кој Лионел Меси се запиша во листата на стрелци.

Лудакот Марсело Биелса продолжува да реди успеси со Атлетик Билбао и покрај тоа што во изборот на играчи е ограничен само на фудбалери од Баскија. Атлетик Билбао не е единствениот. Во историјата постојат повеќе примери на успешни локал-патриотски фудбалски клубови.

Аргентинецот Марсело Биелса во својата татковина го носи прекарот "El Loco" (лудак) заради посветеноста на работата која се граничи со фанатизам, но тој го изгради најдобриот тим на Атлетик Билбао во последните неколку декади.