Ќе речеш прва лига е и тоа во топ 5 во Европа, ама и таму знае да се случи по некој невообичаен потег кој се граничи со аматеризам. Ајачио загуби од Ленс во претпоследното коло и без да забележи од стадион си заминал некомплетен. Во клупскиот автобус фалел 19 годишниот Бен Хамед Туре. Во француските медиуми кружат две верзии за тоа како се снашол со превоз. Едни пишуваат дека си заминал со навивачите на Ленс, а други дека автобусот се вратил по него. На Твитер велат фоткава е печена за ново меме.

Еден од најголемите трендови летово, особено во САД беше преоценка на симболите кои може да се сметаат за расистички. Американски франшизи почнаа да размислуваат за преименување и менување на грбот. Ама за тоа не сакаат да слушнат на Корзика и на Сардинија каде со векови има експлицитна хералдика.

Иако навивачите на францускиот прволигаш на дербито против Ажаксио минатата недела останале надвор од стадионот при интонирање на државната химна, затоа што како што велат таа химна не им припаѓа нив, остатокот од стадионот со аплауз ја испрати интонацијата.