Кога ќе прочитате што сè има лупнато секогаш кога некоја грешка во Матриксот му има отворено уста, ќе ви биде фасцинантно што Жан Клод Ван Дам воопшто успева да си ги запамти сите 4 делови од името. Иако, неговите фанови тврдат дека тој е баш надарен за "ретко сликовити метафори".

Бидејќи знаеме дека ви е досадно во канцеларија, еве една шарена игра за да видите кој од колегите да го земете со себе кога треба да бирате завеси или бои за ѕидови. Од прво играње, нашите резултати се вакви:

Денис Хопер објаснува:

На сите што годинава им се падна маалското париче па догодина ќе бидат главни бадникари во својата околина, им посакуваме многу здравје, среќа и успех во намерата навреме да се поврзат со некој магацин кој ќе донира приближна количина дрвени подметоци за палети.

Шансите дека годинава Гугл ќе го купи Пинтерест, големи (коефициент 3). Шансите дека до 2062-ра човештовото ќе има изградено база на Марс, не многу големи (коефициент 33). Шансите дека до 2050-та човечката популација ќе го достигне врвот и потоа ќе почне да се намалува, големи (коефициент 1,25). Шансите дека до 2034-та ќе можеш да се логираш директно со мозокот, добри (коефициент 10).

Не е дека сте остареле, само албумиве што мислите дека излегле пред 5-6 години, само што наполнија цели 20 години од нивното издавање.

Бидејќи немал пристап до медиуми за да ја запроси својата девојка преку весник, еден дечко тоа го извел вака:

Новогодишна честитка од мајсторот.

Ова човештвото го нема видено цели 25 години. За првпат по 1987-ма година, 2013-та ќе биде година во која...

Кратки видео клипови поврзани со бројки, забавни дури и за оние кои како нас, тотално се губат во тој свет. на пример, знаете ли зошто 493-7775 е тотално интересен телефонски број, или зошто Пекмен има 255 нивоа?

Сето ова е дело на шкотската уметничка Анија Галакио, која цела соба ја наполни со рози за да "ужива во нивната убавина и да види што ќе се случи потоа." "Ми се допаѓа мешавината на прослава со смрт и распаѓање," објаснува уметничката. Еве како изгледа сето тоа.

Норман Роквел е еден од антологиските американски уметници и илустратори на 20-от век, автор на неброени насловни страни, постери и слики. Ова се оригиналните фотографии на некои од неговите најпознати дела.

Епизода на Астерикс, за едно испокарано село. Се збираат среде ливада за да се тепаат и секогаш им испаѓа нерешено ама сите си одат дома убедени дека испаднале појаки од другиве. А целата прича е заради двајца селски водачи што не можат да се договорат кој да биде поглавица...

Ова порано и кај нас се правеше, во Бунец, Маврово. Русите продолжиле. 180 кубици мраз, 150 кубици снег, шарено светло и ете ти фина зимска магија.

Конфликтните лумпен партиски протести и супер достапните социјални мрежи се идеални методи со помош на кои баграта (= глупи, ограничени, гневни, нетолерантни, лоши луѓе) ги доживува своите ѕвездени мигови, станува видлива и нè потсетува дека и тие живеат меѓу нас, на што обично забораваме во "мирнодопски" времиња, кога живееме главно во своите животни референтни системи. Од друга страна, изборите се паметно смислен вентил за испуштање на насобраниот политички притисок, сè додека не ви текне дека сите оние кои ве ужаснале со својот простотилук, ќе имаат глас како и вие. Да потсетиме на едно недемократско но фер решение на Рамбо Амадеус.    

12 убави, паметни, згодни, писмени, одважни, шармантни и милина од девојки од Твитер се фотографираа за хуманитарни цели. Дванаесет календарски противотрови за годината во која нема да пропаднеме ама не дека нема да се чувствуваме така.  

Доаѓа време кога партиите и нивните медиумски оркестри ќе почнат да нè маваат со статистики и графикони, толку различни што човек веќе нема да знае кој лаже, а кој лаже повеќе. Еден читател нè потсети како од  исти бројки од Заводот за статистика можат да се добијат сосема различни претстави.

Следниот пат кога ќе ѕемнете и ќе припаѓате што колегата отворил прозор да се излуфтира, нека ви текне дека Кејт Аптон издржува на Антарктик во бикини.

Во зависност од тоа како се "хормонално расположени" вашите партнерки (ја девојка, ја сопруга) има четири генерални пристапи кои можете да ги искористите за комуникација со нив. Сепак ќе треба сами да процените по кој пат ќе тргнете.