Кога имаш пипер - патлиџан, можеш да решиш да го смениш личниот опис на центарот на главниот град (на подобро или полошо, слободно колете се на темата). Кога имаш нафта и руда, можеш да си го дозволиш ова.

Алфред Хичкок го пушта својот филм Прозорец кон двориштето (Rear Window). Некои кино сали го земаат филмот, некои не. Хичкок си купува рекламен простор за да ги поздрави менаџерите на овие вториве. Да ги поздрави со едно упатство.

Основна карактеристика на добар аларм е да го мразите, бидејќи само така знаете дека ви врши работа. Овој ќе го мразите 100.

Пуританците нема да бидат задоволни. Ние нормалните ќе крикнеме: Фала му на бога! Да прошетаме низ насловните женски на магазинот Есквајер од 1936-та до денес. И она што копка: како ли ќе изгледа ова 80 години од денес?

Огласите се еден од најинтересните извори за запознавање со некој народ или епоха. Додека собираме наши, да видиме што се случуува во паралелната Америка, онаа која ја има во весници ама не на насловна. 

Наши политички, естрадни, медиумски и секојдневни асоцијации предизвикани од анимирани гифови - формат кој со својата репетитивост најпрецизно го отсликува ритамот на нашето живеење.

Франков закон на работно место
Ако уживаш во она што го работиш, многу е веројатно дека нешто работиш погрешно.

Харингтоновиот закон
Чистото биро е знак дека фиоките се претрупани.

Одбивајќи ги Битлси, цепаниците од Decca Records  своевремено ја направија најголемата грешка во музичката историја ("гитарските бендови се аут, Битлси немаат иднина"). Сличен сенс имале и продуцентите на денес култниот филм Блејд Ранер на Ридли Скот. Во продолжение, забелешките на тројца луѓе од Тандем Продаккшн кои го финансирале филмот и притоа се апсолутно се слепи за она што го гледаат, оценувајќи го како смртоносно досаден и конфузен. "Филмов со секое гледање станува сè подосаден," ќе запише еден од 'визионерите'.

Бидејќи парите не се проблем (во нивниот случај - пари има), изборот на автомобилот зависи единствено од вкусот и од ќеифот на газдата.

Како што некои луѓе умеат да ја "вкусат" бојата, така постои и асоцијативна музичка визуелна интелигенција, способност да се "слушаат" форми. Има и онлајн тест за оваа способност. Додека се наштимате, првите неколку облици веројатно ќе ги утнете, а потоа можно е да ви тргне.

18 месеци му биле потребни на италијанскиот фотограф Габриеле Галимберти да ја комплетира својата "Toy Stories", серија фотки од деца од целиот свет сликани со она што им е најдрагоцено - играчките. Галимберти сакал да ја покаже универзалноста на детството, наспроти сите разлики во кои децата живеат. "На таа возраст, сите се исти, само сакаат да си играат", вели авторот кој признава дека во побогатите средини, децата биле попосесивни кон своите играчки и не ги давале лесно. Посиромашните деца со радост споделувале со него, иако имале само по две-три играчки.

Препознатливот извик на Хетфилд од Металика, од прв до последен, собран во една песна. Од деби албумот од 1983-та Kill 'Em All до EP-то Beyond Magnetic од 2011-та.

Сајт за сите што имаат Инстаграм, ама немаат ништо интересно да објават (или барем они така мислат). Колекција на слики, поделени по категории (забава, шетање, коли...), подготвени да ги ставите на Инстаграм и да изгледате поинтересно.

Содржина - пејсаж од идила (река, езеро, море, дожд, ливада) а во позадина оди автентичниот звук што би го начекале ако навистина сте таму. За тие што и покрај тоа нема да знаат да се опуштат, има и една тетка што ќе им помогне.

Деновиве својот 66-ти роденден го прослави Мит Ромни, републиканскиот кандидат кој можеше денес да биде претседател на САД. Набргу и кај нас ќе има вакви славења.

Добрата вест е што со кликање на маусот навистина трошите калории. Лошата - за да потрошите еден хамбургер треба да го свртите цел интернет.

Девојките од порното додека се уште во цивилка, пред да ги допре шминка, пред да застанат (залегнат) пред камера, пред да се претворат во порно ѕвезди.

Чисто онака, една слика, како ќе изгледаше хоризонтот докoлку наместо Месечината, на исто растојание го имавме Јупитер.

Една од убавите особини на скопјани е што знаат да бидат носталгични во однос на својот град. Една од најнеподносливите особини на скопјани е кога целиот однос кон градот им се сведува на носталгија. Небаре само нивниот град, младост, маало, залисток и целулит се промениле.