3 години подоцна, бугарскиот сајт Лентата се навраќа на една историска неправда што ние Македонците, конкретно Офф.нет.мк го има нанесено на бугарската младина, конкретно на абитуриентките. Текстот со наслов "Македонци се подиграват с българските абитуриенти..." започнува со "Братята македонци са потресени от българските абитуриенти..."
Во последната емисија на Кавервил, Драган Б. Костиќ пакува "музички омаж" за еден од "големата четворка македонски композитори" - Димитар Масевски. И двајцата заслужуваат ова да се чуе.
Бунтот е некаде помеѓу "не пукнавте со среќниве брендови" и "можеби не сте толку тажни колку што ве цртам, ама па и не сте толку среќни што се цртате." Дело на Адам Курц (@adamjk), а изборот е по нарачка на твитерџии.
Да ти се отворат чакрите за да ти дојдат вакви рецепти, треба да си премногу гладен ама и премногу изнемоштен за да земеш да правиш нешто нормално за јадење, меѓутоа не толку многу за да немаш претстава кај си, што си и кој си. Дополнително од корист сите околу тебе да бидат во слична духовна состојба како тебе.
Можеме само со благ кикот да се надеваме дека ова е автентично - судски документ од 19 век кој истовремено е лингвистичка пуслица, а кој доколку би бил пишуван денес сигурно би содржел непотребно коректни фрази од типот „биле фатени во извршување на полов однос". Тука тоа просто се вика „јебачина".
Додека стигне книгата за подемот на дотком милијардерот, низ неколку цитати за ставовите на Елон Маск за девојките (им треба 10 часа внимание неделно) и за електричните автомобили (тие бараат многу повеќе).
Има вистини што имаат рок на излупена банана - темнеат по само неколку часа од нивното изговарање. Но има и такви кои се безвременски, а нивната тежина се зголемува со секој божји ден. Брус Ли знаел по нешто за нив.
За 9 долари не добиваш монитор, тастатура, маус или пак маус пад , ама за тоа добиваш процесор од 1 гигахерц, 512 МБ рам и 4 ГБ меморија, плус вградено ВиФи и Блутут.
Порно индустријата ги има своите AVN PORN AWARDS. Кремот на социјалниот живот и глобална влијателност ја има својата МЕТ GALA вечера. Поглед набрзинка:
Бескорисен ама интересен визуелизатор на вашето тело. Подесувате неколку параметри и гледате како изгледате и како би изгледале кога би вежбале (толку и толку саати неделно).
Ханс Куденис е 33 годишен "диџитал криејтив" (што и да значи тоа) чие хоби е да ги руга грдите куќи во Белгија на своите ИНстаграм и Тумблр профили. Сега има и книга на таа тема, со слоган "Don't try this at home".
Можете ли да го замислите Скопје без својата прочуена Триумфална капија? Можете ли да замислите како би изгледало кога на плоштад би можеле да гледате само небо наместо изгланцаните јајца на коњот под воин? Врло радо, јелда? Но, некои други градови имаат среќа што обратно би личеле баш штуро (бонус: го додадовме и Скопје без Аце и Самоил).
Пред кратко време добив порака од личност која не ја познавам и која во неколку љубезни зборови ми кажа дека е професорка по математика во мојата гимназија, дека организираат 50 годишнина и дека би ги израдувало ако напишам неколку редови кои би им биле прочитани на сегашните ученици за време на прославата. Било што, вика таа, на пример, околу моите учества на натпревари. Го сторив тоа со задоволство, околу 200 збора оти такви прилики не се за предолги приказни (добро го знам тоа бидејќи и мене ми читаа секакви глупости додека со поглед ја барав Радица по салата). Со нешто повеќе детали, ќе ви ја раскажам приказната чија кратка верзија им ја пратив таму.
iHeart е британски уличен уметник кој покажува како изгледа реалноста откако социјалните медиуми ги преземаа нашите животи во кои идентитетот е сведен на хаштаг а човекот на бројот на лајкови и добиени коментари.
Од точак имаш педали, ланец, кочници, волан и три тркала. Немаш седиште, веројатно и контра немаш. Дело е на двајца Бугари, Мартин Ангелов и Михаил Кленов, и до сега на Кикстартер има собрано 112.000 долари, од бараните 50.000. Изледа одлично.
Во стрипот шефот на Дилберт е од најлошиот можен тип - шеф од "мидл-менаџмент." Позиција што во основа значи дека е ист како тебе ама мора да се однесува како да не е. Плус неговите шефови баш и не го перципираат како шеф.
Во форма на гифови, ама од луксузните како синемаграфи. Дело се на Даша и Олја, и имаат крајно едноставен процес - едниот подготвува јадење, другиот го снима.
