Откако американската армија ги снижува стандардите за примање на нови регрути, магазинот Мад во август 2006 објавува карикатура за тоа како ќе изгледа армијата на иднината. Човек да помисли дека препишувале од книга.

Ова што пред ваши очи го гледате како игра на видеото и што пред банкарски очи заработува по 30.000 долари месечно, а којзнае што се случува во нејзините пораки по социјални мрежи, не постои. Се вика Лекси Лов и е целосен производ на вештачка интелигенција, или по ново ВИ модел.

Неодамнешна снимка од улиците на украинскиот град Авдивка во кој се случува реприза на ланската битка за Бахмут. Русите на сите загинати уште го немаат освоено, а во исто време не им е проблем да го бомбардираат без запирање.

Користејќи ја една од најстарите финти британската полиција пушта на улица свои луѓе во цивилка, што глумат и се тетерават како да се здробиле вечерта, во надеж дека ќе им се налепи некој од локалните битанги што навечер патролираат по улиците. И им успева.

Ако некогаш природната селекција и преживувањето на подобриот зависело од тоа дали ќе можеш да се спасиш од волк или дали ќе бидеш доволно способен да снабдиш храна за да преживееш, денес зависи од тоа колку ти сече да прифатиш или одбиеш интернет предизвик и логика. Пример дека ако збрцаш две вилушки во два тостера тоа меѓу себе се поништува и ништо нема да ти се случи.

„Ресторан на згрешени нарачки“ е името на овој поп-ап ресторан во Јапонија во кој 37% од нарачките се утнати затоа што целиот келнерски персонал го сочинуваат луѓе со деменција.  Иако го добиваат она што го нарачале само во 63% од случаите, 99% од посетителите заминуваат среќни од ресторанот. Така де, големо чудо ако ти донеле ориз наместо нудли. А старине - срцки.

Полски ТВ прилог за она што таму уште го памтат како легенда на нивните патишта и друмови. Автобусите кои се правеа во Скопје, додека криминалот наречен „трансформација на општествениот капитал“ не реши поинаку. Во Полска имаме извезено неверојатни 3.500 автобуси (сега се фалат ако КУПАТ дваесет), кои со својот комфор и легендарна машинеријата (милион километри без ремонт) биле незамисливи за локалната конкуренција.

Тешко се пробива реалноста низ оркестрираните европски рефрени дека Украина нема што да се секира и дека во недоглед ќе добива оружје колку што ѝ треба за да изгине во војната против Русија. Само што, Русија самата произведува две милиони парчиња артилериска муниција, плус добива еден милион од Северна Кореја. Европа здружено не може да произведе еден милион.

Жал ни е, но ќе мораме да ја расипеме радоста на сите оие кои со одушевија од клипот од Давос, кога еден млад дечко од говорницата прописно му се насерува на злотворот Клаус Шваб од Светскиот економски форум, по што овој ко посран ја напушта сцената. Јеби га дечки, фејк е. Монтажа. Ама видете уште еднаш, и фејк прави ќеиф, мајку му!

Видео од една кинеска фарма за ботови за Воркрафт. 6 големи екрани со по 64 отворени инстанци од игрицата или вкупно 384 ботови што собираат ресурси во ВоВ кои потоа ги продаваат „на црно“.

Србин направи пометња во муабет со еден стендап комичар. Што и да го прашаат, тој врти накај ЛГБТ теми, односно сексуалната ориентација на неговата партнерка. Но, тоа е само фаза еден. Во фаза два се открива дека таа е од Русија ама е маж. Во фаза три дека тие двајца се - брат и сестра?! Дури на крај Милош признава на што се должи оваа мала конфузија. 

„Дали Украинците ја добиваат или ја губат војната во Украина?“ За разлика од Урсула фон дер Лејен која деновиве во Давос убедуваше Русија губи, првиот човек на Алијансата излезе со далеку потрезвен став. Само, како тоа Столтенберг се чуди што Русите имаат „отпорност кон бројот на дадените жртви?“ Не чул тој за битката за Сталинград?

Вивек Рамасвами (кој се откажа од трката) има теза дека оние што ги влечат конците во американската политика имаат намера републиканската трка за претседател да ја сведат на бинарен избор меѓу Трамп и Ники Хејли, за откако Трамп ќе биде елиминиран на некој судско- процедурален начин, да остане само Хејли, чирлидерка на воено-индустрискиот комплекс. Да ја чуеме неа.  

Дечко сака да му покаже на светот како е да се живее со човек со екстремен уплав од сè од микроби и бактерии па нагоре. Се работи за пространа куќа, на два спрата. На вториот се нема качено откако се вратил од колеџ и тоа е најмал проблем.

Канада во иднина ќе го казнува со затворска казна секого што ќе објави видео од кражба затоа што без разлика што некој е фатен на видео како краде, тоа не значи дека не заслужува пресумпција на невиност.

Пар примери од ликови кои го сркале отвореното вифи на комшијата па откако на овие им било бавно и ставиле пасворд, им се ставаат на врата да им се бунат дека не е фер. Прво го најдовме стариот и мислевме неговата глупоќа да ја препишеме на годините и несфаќањето како функционираат работите. Ама потоа наидовме на оној помладиот створ.

*****

Една од омилените теми за Инстаграм видеа, шпагети што се вртат во пита Пармезан, всушност е изум од зорт на италијанскиот готвач Масимо Батура во моментот кога неговиот град има десетици илјади оштетени пити Пармезан кои не може никаде да ги продаде.

Може треба од холандска амбасада да пуштат пари и во Холандија невладини да поработат малку на разбирање, мулти-култи, соживот и што и да треба друго за да го стишат фетишот на Холандезите кон палење на светата книга на Исламот.

Русите покажаа како изгледаат рововите што ги имаат ископано на фронтовските линии во Украина. Нормално не им се сите ровови вакви, и нормално овој служи и за деморализирање на другата страна. А изгледаат подобро веројатно од домовите на добар дел од војниците сместени во нив и како Русите уште долги години да не планираат да мрднат од нив.

Не зборуваме за Анте Павелиќ, Кватерник или Артуковиќ. Нè знаете, нас повеќе нè занима она што се изгубило низ порозните фуги на големите историски камени блокови. Џими Лигет, светски црнечки шампион во бокс, воден од љубовта кон извесна госпожа Ружа, во 30-тите стигнува во Загреб. Станува најбараниот боксерски тренер во Хрватска а потоа и селектор и тренер на репрезентацијата на НДХ, до крај! За БЛМ, спремни! 

Неколку супер интересни идеи и продукти од неодамна завршениот ЦЕС, најголемиот саем за потрошувачка електроника кој се одржува во Лас Вегас. Годинава имаа 4.300 изложувачи, се претставија преку 1.400 стартапи и присутни беа преку 5.000 медиумски и контент креатори. Нешто како успешни приказни од фонд за иновации и технолшки развој, ама ова стварно.

За родител има нешто релаксирачко во сознанието дека детето најверојатно нема да му стане Нобеловец, пошто може да престане да го напнува непотребно. Ама, не сите родители имаат таква среќа. Чујте го „експозето“ на малиот а после и мајката, по што некои работи ќе ви станат појасни. Да ги прашаме нешто вакво оние нашине, „обичнине“, по дома, за момент бледо ќе те погледаат и ќе продолжат со скролање на мобилен.

Човек може да се прашува што стои зад оние монтирани насмевки и среќни врски на познатите фаци кога се сликаат по црвени килими за да бидат објавувани по жолти печати. Некогаш па и не мора да се прашува. На Златните глобуси се сликаа Џон Красински и Емили Блант кои се во брак 16 години. На многумина им се слушна како тој насмеан, низ заби ѝ вика: „Едвај чекам да се разведеме, озбилно“.  

Стара жена со поодмината деменција, ја прашуваат дали знае кој е претседател на Америка. Појма нема жената. Потоа ѝ помагаат, па и ја кажуваат првата буква од презимето на актуелниот прв човек на државата. Јок, статива. На крај ѝ кажуваат дека претседател на САД е Џозеф Бајден. Тука сме.