Видео

Кружен тек со седум кружни текови? Не, благодариме.

Оваа сообраќајна чудесија со децении одлично функционира во Свиндон, јужна Англија. Но, со оглед на фактот дека наш човек и во обичен кружен тек го фаќа паника (од филозофското прашање "Каде завршува еден круг?") па често решава одеднаш да смени лента, главнaта порака на оваа статија е: Коце, да не си помислил!

Викиликс упатство за трите штетни договори на кои САД работи во моментот

Во прашање се ТПП, ТТИП и ТИСА чија крајна цел, колку и да звучи параноично, е создавање на нов глобален правен и економски систем, во кој транс-националните компании се ставаат над државите.

За кого ќе гласаат Симпсонови

На Марџ одма ѝ беше јасно. А и на Хомер, со вистинско насочување, му се разјасни.

Зошто твојот сервисер те мрази, или лаптоп не е за јадење врз него

Поглед на човек што ја има изгубено сета надеж во човештвото, и човек што одамна ја има спукано со Епл.

Катастрофалните вс. Ужасниот

По републиканската конвенција демократите имаа прилично лесна задача и се што требаше е нивната конвенција да не изгледа како природна катастрофа, ама им се случи скандалот со мејловите, па ја изгубија целата предноста што ја имаа, така да почнуваат од исто.

Нај 90-ти видеото на Хилари

Демократската конвенција 1996-та, повторно Клинтон претседателски кандидат, ама овој пат е Бил. Хилари како бекап со цела сила се обидува да покаже дека човек, и дека и она е дел од народот, па макар ако тоа значи и играње Макарена и гледање на остатокот од партијата како се глупира на истата песна.

Кечапот на Самоил

Се јадело низ цела римска империја а рецепти има и од Цариград, од времето на Самоил. Така што, ако сте патриоти со длабоки корења, фер е да пробате. А лесно е: рибата (најдобро скуша) се чисти од внатрешните органи. Потоа рибата можете да ја фрлите а тоа цревата ќе ги посолите и ќе ги оставите да гнијат на сонце, едно три месеци. Да оќориш од сласт.

Најкорисниот додаток за кола, евер

Сакате во природа? Вака се оди во природа. Иако, ова треба и по град да си го влечкаш, па, кај ти дојде. Особено пред оние шема кафичи. И да им фрлаш коски.

Чезена се врати со 'Seven Nation Army'

Пак Чезена, пак 1.000 музичари, пак една песна, пак да не ти се верува како божествено моќно ова изгледа. Минатиот пат беа Фу Фајтерс на репертоар, сега се Вајт Страјпс.

Како му изгледа "диктатурата" на Западот на човек што живее во диктатура

Хенри Јангмен (американски комичар од времето околу Втората светска војна) објаснува секогаш кога ќе го прашаат "Како е жена ти?" неговиот одговор е "Во споредба со кого?" Исто е и со диктатурата. П.С и се друго.

Братски солзи

Моментот кога Лари Сандерс како делегат на демократите од дијаспоратаго дава гласот за својот помлад брат Берни Сандерс. Срцки и двајцата, се расплакаа кога си спомнаа за прерано починатите родители. Инаку, Лари и Берни имаат растено во оние семејства во кои имало што да се јаде ама царувале дилеми од типот "дали да се купат завеси или тепих'.

Асфалтирање на клоновите

Како да реновираш главна улица сред Москва, а да не ти се случи народна буна, линчување сред плоштад и клетви за идни 7 генерации? Лесно, ќе ангажираш 300 парчиња механизација.

Аии, маста ѝ ја извадија!

Сте виделе како се штави кожа од кит додека кожата уште е на китот? Не сте и нема да видите, ама, ова е најблиску што до тоа може да дојдете. Почекајте до крај, овој занает си бара и сукало.

Јаболкото да ви каже нешто за уметноста

Едно обично зелено јаболко и една минута му се доволни на генијален автор ефектно да ги опише главните правци во уметноста. Федерико Монзани.

Не џабе е Кинг

Прашање: Како Б.Б. Кинг менува пукната жица на гитарата? Одговор: Додека свири.

Краток курс по административна самоодбрана

Зборува за Србија, ама концептот е универзален и може секаде да се примени, вклучително и МКД. Одма ќе го познаете дека зборува од лично искуство, заради што и може така детално да ви го пренесе ката по ката секој потег што треба да го направите во неизбежниот спаринг со шалтерот. Прилично добра збирка шамарања мрзливи / незаинтересирани административци.

Во умот на врвен денгуба

Одлично забавен ТЕД говор кој почнува духовито околу сите лоши навики што ги имате насобрано околу губење време и бегање од обврски, и завршува со уште повеќе нервоза околу сè што немате завршено. Барем не е до тебе, до мајмунот е.

Жетва трејлери, Комик-кон 2016

Конвенцијата заврши, а филмските студија за мерак на публиката успешно истурија сè што до сега го криеа за 2017.

Поврат на риба

Некој Американец кој сака да биде како Паљото. Демек е реален и автентичен па ќе ни покажел како се јаде риба. И ја загриза таква, жива. Предупредување: насловниот термин "поврат на риба" не е од економска природа.

Атрактивна глупоќа

Плавојкава е убедена дека не го добива заслуженото почитување само затоа што е атрактивна. Но затоа добива заслужена реакција - каква што би добила во наше маало. Ќе ги биде Американциве.

Попот кој носи добри вести

Добро е да го слушнете целото парче а главната поента - неочекувано со оглед на изворот - прилично марксистичка. И гласи: "Не постои пеколот, тоа го измислиле црквите за преку страв да владеат со масите". Не, тоа не значи дека можете да убивате, да крадете и на човек да му ја изедете последната Јафа од Ресаната.

Доналд Трамп и идиотот

Иако насловот звучи како тавтологија, не е. Доналд Трамп е Доналд Трамп а идиотoт, во случајов, е екранот од кој читаше на Републиканската конвенција.

Покемон во Стејт Департментот

Брифинг за новинари во Стејт Департментот, портпаролот Џон Кирби чита изјава за борбата против Исис кога забележува дека новинар на пресот е далдисан по Покемон. На крај, оној кој имаше на нешто да се пожали беше - новинарот.

Како бесплатните игри прават (многу, многу) пари

Работејќи на фримиум моделот, Покемон Го само во САД имаше приходи од 14 милиони долари за неполна недела од објавувањето. Фримиум значи дека можеш слободно да ја играш играта без да потрошиш ни пара, ама пак ти доаѓа да трошиш.