Дечкото го презентира автомобилот Јангванг, луксузниот бренд на кинескиот гигант за електрични автомобили BYD. И му станува јасно зошто кинеските коли ги нема на американскиот пазар (односно државата ги натоварува со брутални давачки). Затоа што ако ги има, целосно би доминирале на пазарот.

Лидерот на канадската опозиција наведуваше фрапантни пари (250 милиони долари) кои од државата добила некоја опскурна фирма која работи во подрум и има само 4 вработени. Му се чинеше логично една ваква приказна да ја заврши со кратенка од прашањето „What the Fuck?“. Спикерот реагираше дека тоа не е парламентарен речник па побара Полиевр да се поправи. Полиевр се поправи махерски.

Нашиот омилен анти-херој од американската политичка сцена, злотворот Линдзи Грем, уште еднаш го излаја она што и други го знаат ама не ни помислуваат да го кажат. Дека страдањето на украинскиот народ не е за слобода и демократија, туку за критичните минерали кои Украина ги поседува а вредат трилијарди долари. Запад ги сака и не сака да завршат кај Путин кој би ги делел со Кина. Што е нејасно?

На едните им е секогаш најјако, иако знаат може по два збора од песна, другите ги знаат сите песни од збор до збор и не мрдаат, третите се оние кои цел концерт го снимаат на мобилен и немаат појма како било, четвртите се музичари кои имаат дојдено за да ловат грешки и петтите се таму само за женски. Ние сме од оние кои држат пиво во рака, сè друго е опционално.

Гжегож Браун. Тој е оној член на полскиот парламент кој со противпожарен апарат ги изгаси свеќите на еврејската менора, симбол на празникот Ханука, во нивниот парламент (види „Секакви ги има“). Излезe на избори за европскиот парламент на кои гласаа Европејци со педигре и - освои седиште. По објавувањето на среќната вест за него и неговите поддржувачи, ставаше автограми на противпожарни апарати.  

„Со поддршката која ја добивме на изборите за Европскиот парламент, ќе ги удвостручиме напорите да ја држиме Унгарија подалеку од војна“, најавува Виктор Орбан. Вели дека пораката од гласањето може да ја собере во една телеграма која гласи: „Стоп за миграцијата. Стоп за војната. Стоп за родовите. Стоп за Сорос. Стоп за Брисел.“ Стоп.

Иако неспорно моќно звучи етикетата град-тврдина, исто како што е непосрен хеоризмот на украинските војници кои го бранат и загинале бранејќи, според украинските војници таквата стратегија е залудна и ништо не донела до сега.

Кина го има еден од најубавите водопади во Азија со висина од некои си 300 метри. И технички ништо од ова не е лага, ем вода паѓа, ем висината е над 300 метра, освен делот во кој водата до таму е донесена со цевка.

Кинезот кој храбро стои пред редица тенкови е иконичен симбол на случувањата на плоштадот Тиенанмен во 1989 година. Моќната фотографија беше користена како најава за скорешен „демократски“ преврат во Кина. Има доста работи да се кажат за тоа, што се премолчувани од западниот наратив, но ајде сега само три. Демонстрантите не бараа повеќе демократија туку повеќе комунизам (исто како југословенските 68-аши), тенковите не доаѓаат туку сакаат да заминат од плоштадот а сцената завршува вака.   

Американскиот колеџ на педијатри се одважи и јасно порача веднаш да се прекине со социјална афирмација, блокатори на пубертетот, крос-полови хормони и операции за деца и адолесеценти кои се збунети или вознемирени поради нивниот биолошки пол. „Сериозно сме загрижени за физичките и ментални ефекти на постоечките протоколи“, велат тие и поименично ги набројуваат медицинските организации кои ја фураат оваа пракса.

Словачкиот премиер му простува на човекот кој проба да го убие на 15-ти мај, но не и на соросоидните медиуми. Како и пред атентатот, и после него тој потсетува на неговите предупредувања дека хистеријата и наративот на непомирливост што се креираат во земјата, кога-тогаш ќе доведат до такво нешто. И ние имавме хистерии, и ние имавме „непомирливост“, и ние имавме пукање.

25% од Флорида ќе заврши под вода а американското земјоделство ќе биде принудено да се сели во Канада. Сето ова затоа што ја прегреваме планетата заради озлогласениот CO2 и нашето горење јаглен и нафта. Така вика науката. Само што... ова се предвидувања од 1984 година а Ал Гор, кого го има во прилогот, тогаш имал 34 години. Денес има 76.

Што заедничко има македонската кујна со старо полско пиво, фестивал на белите колбаси и журек, моторџии што прават гулаш? Го имаат Гроџиск Великополски, мало прекрасно гратче во срцето на Полска, недалеку од Познањ. Плејмејкер е Роберт Маклович, полска кулинарска легенда, кој гозбата ја крунисува во ресторанот Александрија (Alexandria Kuchnia Macedońsko - Bałkańska). А се разбира и во политичка географија па ќе каже дека Македонија се граничи со Грција.

ФБИ конечно призна дека фамозниот лаптоп на Хантер Бајден е реална приказна. Пред четири години, Твитер и Фејсбук ја цензурираа приказната на Њујорк пост за лаптопот на синот на американскиот претседател, по сугестии дека се работи за руска намештаљка дизајнирана да прави предизборна конфузија. Сето ова време ФБИ змнаеле дека не е така. 20 минутна компилација како се лажеше, и тоа на големо, и тоа од високо. 

Не така одамна, оној редикул Дилан Малвени беше во Перу од каде одушевено раскажуваше дека имаш шамански сесии, видел многу лами, луѓето биле добри и пријатни.... „Жално е што човек мора да ја напушти својата земја за да се чувствува безбедно,“ порача Дилан од Перу. Најново: Перу донесе закон со кој транс- сексуалноста се класифицира како „ментално пореметување.“

Питер Хиченс троа ги шокираше панелистите на BBC зборувајќи за фарсата наречена „Нет зеро.“ Вика, ние не само што ги затворивме електричните централи на јаглен туку и ги растуривме, убедени дека сме на прав пат. Во меѓувреме Кина гради две такви неделно, а и Индија не е покусо. „Ако ви се живее во земја во која не можете да си го загреете станот, тогаш верувајте дека нет зеро е интелигентно и промислено решение“.  

Такер Карлсон за (уште малку) првиот човек на СЕФ: „Тој е како стар идиот, се чини и малку сенилен, појма нема што зборува, тотално невпечатлив... Колку подобро ги запознавате, толку повеќе сфаќате дека луѓето кои го водат светот се медиокритети. Кловнови. Викторија Нуланд на пример, онаа која ја започна војната во Украина, а во суштина е глупа, тажна, дебела жена. Блинкен? Не ме зезај....“

Видела таа дека денес можеш да се нашминкаш (и објавиш на мрежи), да скршиш јајце (и објавиш на мрежи) или наостриш молив (и објавиш на мрежи) па слободно да се наречеш „дигитален контент креатор.“ Решава да се напие чај (и објави на мрежи!) при што дава увид во целиот процес: земаш кесичка со чај, ја сечеш, истураш и чекаш тоа да се раствори ко Цедевита. Дигитален контент креатор, него како!

Ова што гореше пред некое време е Газипур депонијата, најголемата депонија на 28 милионскиот главен град на Индија, Њу Делхи. Пожарот не беше ништо невообичаено за Њу Делхи бидејќи секое лето кога ќе дојдат пеколните температури во тамошните депонии избувнуваат пожари. Во меѓувреме ти треба на секои 10.000 км да дотураш Адблу, за да не ти се блокира колата.

Од Полска е дечкото и ко октоподот е со тоа прстите по гитарата. Плус, ја користи и перкусионистички, што е особено атрактивно за гледање и слушање (а одамна го има демонстрирано Томи Емануел). Малку нервира со тоа претенциозните фаци што ги прави, ама па никој не е совршен, освен технички, каков што е Марчин. Настап на полувреме на Феникс Санс.

Како што ќе каже непознатиот автор од интернет „живееме во епизода на Саут парк“, а зборува за тоа што во Филаделфија на улица се судрија Прајд парадата со протестите за поддршка на Палестина.

Две фасцинантни приказни. Првата за извесна фатална Канаѓанка после која се пишувала најзначајната песна на животот, освен ако не се викаш Џон Белуши за кого Кети Смит била буквално фатална па го ушприцала со последниот негов микс на хероин и кокаин. Втората е за Стив МекКвин кој заради женска спасил глава од лудаците на Чарлс Менсон.

Американскиот синџир ресторани за брза храна „Чипотле“ решава да ќари на неброените инфлуенсери и обични корисници на социјални мрежи што го сликаат секој залак што го јадат, со почнување на нова пракса на давање далеку пообоемни оброци на секој што снима дур му се прави јадењето, без тоа никаде да го објави. Е па, луѓе разбраа за фората.

Најдобите дубари се наједноставни. На жената ова ѝ личеше ок: парите се убави (500 долари) а задачата лесна, да клапне со своите раце под и над раката на овој што ѝ го дава предизвикот. Дури и оној услов, да се прави тоа со затворени очи, звучи логично, инаку би било тоа прелесно за 500 долари. Ај сега погледнете и замислете се себеси така во дуќан. И ве здогледува некој познат.