Робот воден од вештачка интелигенција папса сред работа која со денови, години и децении молчешкум ја обавуваат стотици илјади човечки робови, од македонските погони до американските стоваришта. Коштал 20 милиони долари. Намести неколку кутии. Колабираше.

Дечкото сочувал видео со него од пред пет години, кога се направил крш па бута некаков џанк фуд после пијанка и не знае гзот кај му е. Но, дечкото сака да ви покаже и ново видео од него, од пред некој ден. Сè се може, само треба да си упорен.

По облекување, држење и муабети, сите се тие исти, од нашиве шабани, преку оние од белградските сплавови па до џенем во Јапонија. Вајс го претставуваат Коико како олдскул јакуза кој е познат по краткиот фитил, иако зналци тврдат дека нема шанси јакуза вака да се чатали пред камери.

По свое нахоџење, можете да имате различни асоцијации на оваа ситуација. Фан на актуелната власт може ова да го гледа како операција на опозицијата да ја спаси Македонија. Фан на опозицијата пак, може да гледа копрцање на власта да се прикаже како државотворен спасител. Едно наравоучение е несомнено - научете сами да пливате, пошто сте го јаделе.

Има разни друштва кои се пренкаат по интернет (австралиското друшто на Шами милиoни направија од тоа), но Арапиве ни се коњак. Глупи заебанции ама тие урнебесно се забавуваат. Имаат еден џин и едно џуџе. Џуџето се плаши од животни, џинот се плаши некој да не му земе јадење, ама ај, да не влегуваме во детали.

Имате ли глупа навика на пијано да пишувате на бившата/бившите? И утредента сабајлето да ве изеде жив срам од себе и да ви дојде да пропаднете во земја кога ќе видите што све сте пишале и колку сте биле бљак? Постои само една грешка која сте ја направиле а можете да ја поправите следниот пат и ништо од тоа каење да нема: не сте биле доволно пијани.

Дечкото ѝ ги објаснува тајните на циклопејските градби, финесите на антедилувијалните цивилизации, мегалитните структури на Ѓобекли тепе во Анадолија.... Сè тоа фино. Само што таа е професионалка на Твич и од друго ги вади парите. Кутрата, мина низ ролеркостер од емоции. Боља врска немате видено.

Биле на турнир и нашле мртов човек. „Healing Monk“ пробал да му помогне но магијата не била доволно силна пошто на лешот му недостасувала глава. Друг ја пробал „некромансер“ магијата но и од тоа ништо. Притоа, им ја упропастиле работата на форензичарите пошто за некромансер магија се потребни многу светки.

Да испукаме ние по некоја доза здраво богохулие пред луѓето да ги фати онаа позната велигденска еуфорија кога сите стануваат ортодоксни талибанци па недајбоже да не им го кажеш пасвордот (се роди/вистина се роди). Пазете колку Библијата добива нормална човечка димензија кога ја чита Луи СиКеј. 

Се јавува девојка во емисија со Гордон Ремзи. Го забезекнува со омилената комбинација (сакала ванила сладолед со кисели крастивички и ракчиња), малку го ребри заради бифтек што јадела во неговиот ресторан, го трола дек Џејми Оливер е подобар а нему му порачува да се држи до она што го прави добро - кајгана. -  Јадеш ли ти кајгана?, ја прашуваат слушателката. Тука сме.

Патници во нормални возови оваа девојка едвај би ја виделе на минување. Оние среќници кои се возат на релација Скопје-Велес каде брзината е ограничена на 20 километри на час, не само што можат да ја видат и фотнат, туку би можеле и да ја насликаат. Во гваж. Да не збориме за други работи кои можат да им паднат на памет додека погледот бавно им швенка по разголеното тело.

Среде телевизиски настап (во кој веројатно зборува како Французите треба да ги стегнат каишите  затоа што е криза), на францускиот претседател му текнува дека носи прескап часовник (велат, вреден 80.000 евра) па брзо му доаѓа идеја да го симне од рака, ама никој да не го види. А таква работа денес не постои.  

Искусни и мудри музичари секогаш ги советувале помладите да го покажуваат тоа што го умеат на нивниот инструмент, но никогаш да не вежбаат пред други луѓе. Бидејќи музиката спојува, ама вежбањето баш и не. На некои од неискусните тоа сепак не им влегува во глава. Ок, има поинаков начин да им влезе во глава.

Добро, се чудевме ние истото и кога им беше Џорџ Дуплове Буш (на Он.нет имавме рубрика „Бушалаштини“) и кога го изгласаа Трамп, ама сега, кога секојдневно гледаме во каква когнитивна кондиција им е Џо Бајден, не може а пак да не се запрашаме: Како е можно од цела онаа Америка, баш тој (уште) да им биде главниот?

Оние што ги маваш на бадмингтон а кои не знаеме како се викаат, треба да се аеродинамични, така? Е, така, ама како се постигнува тоа? Компјутерски, со софистицирани машини, со ОпенАИ? Не, седи една теткица и гледа кое перце со кое друго треба да ги сменат местата. Како во тоа успева, е, тоа е правата мистерија.

Бил Бур се зезаше дека жените фабрички се љубоморни на мажите затоа што можат да бидат среќни со мали и едноставни нешта. Ѕирнете една машка дружба после која ајваните дома тешко ќе објаснат на што тоа толку заглавиле синоќа и дека не е тоа што госпожата го мисли (види наслов). Фан факт: најкласично машки гледавме до крај, за да видиме кој ќе победи.

Чак Норис посакал да погали некојси тигар. Само што се наведнал и почнал да го гали, ѕверот почнал непријателски да ржи. Дресерот издал упатство: „Стани многу пополека и повлечи се“. Да ви кажеме спојлер? 

Ако ваквиот наслов ви е нејасен и не гледате никаква логика во него, единствено алиби би ви било ако штотуку сте се разбудиле од долга кома и сте се нашле во оваа ера на родови флуидности и бескрајни самоидентификации. „Ако само треба да обзнанам како се чувствувам, без никому ништо да објаснувам, зошто не можам да бидам црна лезбејка?“ праша Морган една гостинка.

Мажите се, особено ако ги прашате жените, куп мани во движење или почесто, во седење или лежење. Фрлаат чорапи кајшто ќе стигнат, штотуку исчистена кујна знаат да ја избербатат за ништо, кај што јадат оставаат ронки зад себе.... Но, затоа тие имаат една тајна моќ која им овозможува да преживеат и тие и нивниот нервен систем. 

Смислиле кул сценарио за спектакуларна снимка. Едниот се затрчува, другиот веднаш по него, снима со ГоПро. Се доаѓа до работ на една провалија и се фрла во море, од застрашувачка висина. И првиот и вториот. Само не им текнало дека долу во водата можеби има некој кој нема да знае кому попрво да му се израдува од нив двајца.

Од еден обичен ден на еден ревносен инспектор за безбедност на детските игралишта. Ако пресериозно го сфатите видеото, следниот пат ќе им затворате очи на вашите деца кога минувате покрај некое такво катче. Особено што кај нас тие често имаат дополнителни замки кои можат да ги преживеат само мали нинџи.   

Бидејќи тој и таа (he/she) се малку, битието ќе ве научи како се користат заменките зи/зем/земселф. ВНИМАНИЕ: зи/зем/земселф се разликуваат од другата колекција „зи“ кои гласат зи/зер/зерселф. Објаснува нешто и за птиците ама тоа не го најразбравме, освен дека нејзиниот кластер не само што не се од еден од двата рода, туку не се и докрај луѓе (Олади ме птичурина! - Душан Ковачевиќ). На крај вика - лесно е. Џизс.

Стариот се има направено дрво, цајканот го фаќа во таква состојба и ваљда му вика да не мрда, додека тој отиде по дрегерот. Ова дрвово некако проценува дека сега е моментот за да се здаде в спектакуларно бегство и тргнува со трчање. Но, за среќа, во него е алкохолот кој го враќа на правиот пат.

Кевин Бриџис (многу ни прави ќеиф со маалскиот шмек) објаснува неколку правила до кои треба да се држи нормален човек кој се вози со автобус во неговиот град. Може да фаќа сеир ако патник и шоферот почнат да се ценкаат околу картата, ама ако стане озбилно, негово е да сврти поглед, да се загледа во некоја рандом точка на подот и да си дозволи да биде одведен на некое „среќно место.“